America : అమెరికాలో కాల్పుల కలకలం.. ఆరుగురు చిన్నారులు సహా 12 మందికి గాయాలు
ఈ వార్తాకథనం ఏంటి
అమెరికాలోని ఫ్లోరిడా రాష్ట్రంలో కాల్పుల ఘటన కలకలం రేపింది. టల్లాహాసీ నగరంలోని ఫుట్‌బాల్‌ స్టేడియం సమీపంలో జరిగిన ఈ ఘటనలో ఆరుగురు చిన్నారులు సహా మొత్తం 12 మంది గాయపడ్డారు. ఏ&ఎం యూనివర్సిటీ హోమ్‌కమింగ్‌ వేడుకల్లో భాగంగా నిర్వహించిన ఫుట్‌బాల్‌ మ్యాచ్‌ ముగిసిన తర్వాత ఈ ఘటన చోటుచేసుకుంది. మ్యాచ్‌ ముగియడంతో ఆ ప్రాంతంలో పెద్ద సంఖ్యలో ప్రజలు గుమిగూడిన సమయంలో కాల్పులు జరిగాయి. కాల్పులు జరగడానికి ముందు అక్కడ ఘర్షణ చోటుచేసుకున్నట్లు ప్రాథమిక విచారణలో వెల్లడైందని పోలీసులు తెలిపారు. ఈ ఘటనకు సంబంధించి ఇప్పటివరకు ఎవరినీ అరెస్టు చేయలేదని టల్లాహాసీ పోలీస్‌ చీఫ్‌ లారెన్స్‌ రెవెల్‌ శనివారం వెల్లడించారు.
వివరాలు
ముగ్గురి పరిస్థితి విషమం
గాయపడిన 12 మందికి తుపాకీ గాయాలయ్యాయని, వారిలో కనీసం ముగ్గురి పరిస్థితి విషమంగా ఉందని పేర్కొన్నారు.
మరోవైపు, ఈ ఘటనతో యూనివర్సిటీ ప్రాంగణానికి ఎలాంటి ముప్పు లేదని, క్యాంపస్‌ సురక్షితంగానే ఉందని యాజమాన్యం వెల్లడించింది.
కాల్పులకు గల కారణాలు, ఘటనలో పాల్గొన్నవారి వివరాలను తెలుసుకునేందుకు పోలీసులు దర్యాప్తు కొనసాగిస్తున్నారు.