Israel-Hamas: గాజాపై ఇజ్రాయెల్ దాడి.. 33 మంది మృతి
ఈ వార్తాకథనం ఏంటి
ఇజ్రాయెల్ దాడులు గాజా పైన నిరంతరం కొనసాగుతూనే ఉన్నాయి. తాజాగా ఉత్తర గాజా ప్రాంతంలో చేసిన వైమానిక దాడుల్లో 33 మంది పాలస్తీనా పౌరులు దుర్మరణం చెందారని, దీనిని గాజా అధికారిక వార్తా సంస్థ వెల్లడించింది.
ఈ దాడులు శుక్రవారం రాత్రి జబాలియా శిబిరం పై చోటు చేసుకున్నాయి. మృతుల్లో 21 మంది మహిళలు ఉండటం గమనార్హం.
ఈ దాడిలో కనీసం 85 మందికి తీవ్ర గాయాలు అయ్యాయి, అనేక మంది శిథిలాల కింద చిక్కుకుపోయారని సమాచారం.
కాబట్టి, మరణాల సంఖ్య ఇంకా పెరిగే అవకాశం ఉన్నట్లు తెలుస్తోంది. ఇక ఇజ్రాయెల్ దాడుల వల్ల ఇప్పటివరకు 42,500 మందికి పైగా మృతి చెందినట్లు గాజా ఆరోగ్య శాఖ ప్రకటించింది.
వివరాలు
ఇజ్రాయెల్ పై సిరియా దాడి ప్రయత్నం
ఇక మరోవైపు, ఇజ్రాయెల్ పై సిరియా వైమానిక దాడులు చేపట్టాలని ప్రయత్నించింది.
కానీ ఈ దాడులను సమర్థవంతంగా ఎదుర్కొన్నట్లు ఇజ్రాయెల్ రక్షణ దళాలు (ఐడీఎఫ్) ప్రకటించాయి.
ఈ డ్రోన్లను ఇజ్రాయెల్ భూభాగంలోకి ప్రవేశించకముందే కూల్చివేశామని తెలిపాయి. సిరియా ఈ దాడులను ఇరాన్ సహకారంతో చేపట్టిందని ఐడీఎఫ్ వివరించింది.