Mexcico: మెక్సికో బార్ లో కాల్పులు.. 6 మంది మృతి, 10 మందికి గాయలు
మెక్సికో ఆగ్నేయ ప్రాంతంలో గుర్తుతెలియని వ్యక్తులు విచక్షణారహితంగా కాల్పులు జరిపిన ఘటనలో ఆరుగురు మరణించగా, పదిమంది గాయపడ్డారు. ఈ దాడి టబాస్కో అనే తీరప్రాంత ప్రావిన్స్‌లో చోటు చేసుకుంది. ఈ విషయాన్ని పబ్లిక్ సెక్యూరిటీ సెక్రటరీ తన సోషల్ మీడియా పోస్టులో తెలిపారు. ఫెడరల్ అధికారులు ఈ ఘటనపై దర్యాప్తు ప్రారంభించగా, స్థానిక అధికారులతో కలిసి పనిచేస్తున్నారు. ఇంతవరకు ఈ కేసులో ఎవరినీ అరెస్టు చేయలేదని, కాల్పులకు కారణం ఇంకా తెలియరాలేదని తెలిపారు.
ఈ నెల ప్రారంభంలో సెంట్రల్ మెక్సికోలోని మరో బార్‌లో కాల్పులు
స్టేట్ డిప్యూటీ ప్రాసిక్యూటర్ గిల్బెర్టో మెల్క్వియాడ్స్ వివరాల ప్రకారం, సాయుధ వ్యక్తులు "డిబార్" అనే బార్‌లోకి ప్రవేశించి, అక్కడ ఉన్నవారిపై కాల్పులు జరిపారు. ఈ ఘటనలో ఐదుగురు అక్కడికక్కడే మరణించగా, ఆసుపత్రికి తరలించిన మరొక వ్యక్తి చికిత్స పొందుతూ మృతి చెందాడు. గాయపడిన పది మంది వివరాలు కూడా గుర్తించామని తెలిపారు. ఇదే విధంగా, ఈ నెల ప్రారంభంలో సెంట్రల్ మెక్సికోలోని మరో బార్‌లో జరిగిన కాల్పుల్లో 10 మంది ప్రాణాలు కోల్పోగా, 13 మంది గాయపడ్డారు. ఈ ఘటన చారిత్రాత్మక క్వెరెటారో సిటీ సెంటర్‌లో జరిగింది. ఇటువంటి ఘర్షణాత్మక సంఘటనలు స్థానికులను తీవ్ర భయభ్రాంతులకు గురిచేస్తున్నాయని నివేదికలు చెబుతున్నాయి.
