Berlin: బెర్లిన్ ప్రైడ్ వేడుకలో ఉగ్రదాడి.. మహిళ మృతి, 29 మందికి గాయాలు
ఈ వార్తాకథనం ఏంటి
జర్మనీ రాజధాని బెర్లిన్లో అత్యంత వైభవంగా నిర్వహించిన క్రిస్టోఫర్ స్ట్రీట్ డే (ప్రైడ్) వేడుకల్లో ఘోర ఘటన చోటుచేసుకుంది. శనివారం రాత్రి సుమారు 10 గంటల సమయంలో బ్రాండెన్బర్గ్ గేట్ సమీపంలోని టియర్గార్టెన్ పార్క్ వద్ద జనసమూహంపైకి ఓ తెల్లటి వ్యాన్ దూసుకెళ్లింది. ఈ ఘటనలో ఓ మహిళ ప్రాణాలు కోల్పోగా, మరో 29 మంది గాయపడ్డారు. ప్రత్యక్ష సాక్షుల వివరాల ప్రకారం, వ్యాన్తో పలువురిని ఢీకొట్టిన దుండగుడు అనంతరం ఆయుధాలతో అక్కడ ఉన్న వారిపై దాడి చేసి పరారయ్యేందుకు ప్రయత్నించాడు.
వివరాలు
భద్రతా బలగాలతో జరిగిన కాల్పుల్లో దుండగుడు హతం
ఈ దాడి వెనుక అతివాద ఇస్లామిక్ ఉగ్రవాద సంస్థల హస్తం ఉండే అవకాశం ఉందని భద్రతా సంస్థలు అనుమానిస్తున్నాయి.
నిందితుడిని లెబనాన్ మూలాలు కలిగిన అబ్దుల్ బాలౌట్గా అధికారులు గుర్తించారు.
అనంతరం భద్రతా బలగాలతో జరిగిన కాల్పుల్లో అతడు హతమైనట్లు వెల్లడించారు.
ఘటనపై దర్యాప్తు కొనసాగుతుండగా, ఉగ్రదాడి కోణంతో పాటు ఇతర అంశాలపై కూడా అధికారులు విచారణ చేపట్టారు.
ట్విట్టర్ పోస్ట్ చేయండి
బెర్లిన్లో రక్తపాతం.. మహిళ మృతి, 29 మందికి గాయాలు
The suspect involved in the deadly Berlin Pride attack that left one dead and 29 injured was shot and killed during a confrontation with the police on Sunday, according to authorities. https://t.co/Rvavo19bEA
— News Channel 3 WWMT-TV (@wwmtnews) July 26, 2026