Clashes at Football match: గినియాలో ఘోర విషాదం.. సాకర్ మ్యాచ్‌లో ఘర్షణ.. 100 మంది మృతి..!
ఈ వార్తాకథనం ఏంటి
పశ్చిమాఫ్రికా దేశం గినియాలో దారుణమైన సంఘటన చోటుచేసుకుంది. ఫుట్‌బాల్ మ్యాచ్ సందర్భంగా రెండు వర్గాల మధ్య తీవ్ర ఘర్షణలు చెలరేగి, అవి ఘోర అనర్థానికి దారితీశాయి. ఈ ఘర్షణల్లో దాదాపు 100 మంది ప్రాణాలు కోల్పోయినట్లు అంతర్జాతీయ మీడియా కథనాలు వెల్లడించాయి. ఈ ఘటన గినియా మిలిటరీ జుంటా నేత మమాడి దౌంబోయ గౌరవార్థం జెరెకొరె నగరంలో నిర్వహించిన ఫుట్‌బాల్ టోర్నమెంట్ సందర్భంగా జరిగింది. ఆదివారం జరిగిన ఈ మ్యాచ్‌లో రిఫరీ తీసుకున్న నిర్ణయం వివాదానికి కారణమైంది.
వివరాలు
పోలీస్ స్టేషన్‌కు నిప్పు
దీనిపై ఓ జట్టు అభిమానులు క్షోభితులై మైదానంలోకి చొరబడ్డారు. ఆ చర్యకు ప్రతిగా మరో జట్టు అభిమానులు నిరసన వ్యక్తం చేయడంతో ఘర్షణ మొదలైంది. అనతికాలంలోనే ఈ ఘర్షణ వీధులకు చేరింది. వేలాది మంది వీధుల్లోకి వచ్చి పరస్పర దాడులకు దిగారు. కొందరు పోలీస్ స్టేషన్‌కు నిప్పు పెట్టారు. ఈ హింసాత్మక ఘటనలో అనేక మంది మరణించగా, పలువురు గాయాలపాలయ్యారు. వీధుల్లో విస్తృతంగా మృతదేహాలు కనిపించిన దృశ్యాలు సామాజిక మాధ్యమాల్లో వైరల్‌గా మారాయి. స్థానిక ఆసుపత్రి వైద్యుడు ఒకరు ఈ ఘటనపై స్పందిస్తూ, ఇప్పటివరకు 100 మందికి పైగా మరణించారని తెలిపారు. మృతుల సంఖ్య ఇంకా పెరిగే అవకాశం ఉందని ఆందోళన వ్యక్తం చేశారు.
ట్విట్టర్ పోస్ట్ చేయండి
గినియాలో జరిగిన హింసాత్మక ఘర్షణల్లో కనీసం 100 మంది ప్రాణాలు కోల్పోయారు
⚠️🔞 WARNING: GRAPHIC 18+ 🔞⚠️
— 🔥🗞The Informant (@theinformant_x) December 2, 2024
❗️🇬🇳 - At least 100 people lost their lives in violent clashes between rival fans during a football match in N'zerekore, Guinea.
This tragic event, which occurred at the end of a game, resulted in hundreds of fatalities. Medical sources confirmed… pic.twitter.com/xV3COoViUE