మద్యం ప్రియులకు గుడ్‌న్యూస్.. లిక్కర్‌పై పూర్తస్థాయిలో పన్ను రద్దు.. ఎక్కడో తెలుసా?
ఈ వార్తాకథనం ఏంటి
అద్భుతమై ప్రదేశాలకు నెలవైన దుబాయ్‌కు పర్యాటకుల తాకిడి నిత్యం ఉంటుంది. అయితే దేశ పర్యాటక రంగానికి మరింత ఊతం ఇచ్చేందుకు.. నూతన సంవత్సరం వేళ.. ఆ దేశ రాజ కుటుంబం కీలక నిర్ణయం తీసుకుంది.
వాస్తవానికి ఇతర పర్యాటక దేశాలతో పోలిస్తే.. మద్యం తప్ప.. ఇక్కడ అన్ని వస్తువులు చాలా చౌకగా లభిస్తాయి. తాజాగా లిక్కర్‌ను కూడా మరింత చౌకగా వినియోగదారులకు అందించాలని నిర్ణయించింది దుబాయ్. ఇందుకోసం లిక్కర్‌పై ఉన్న 30శాతం పన్నును రద్దు చేస్తున్నట్లు ప్రకటించింది.
అంతేకాదు.. లిక్కర్ లైసెన్స్‌పై కూడా రుసుమును పూర్తిగా ఎత్తివేస్తున్నట్లు దుబాయ్ రాజ కుటుంబం ప్రకటించింది. ప్రభుత్వానికి చెందిన లిక్కర్ రిటైలర్స్ అయిన మారిటైమ్ అండ్ మెర్సంటైల్ ఇంటర్నేషన్ కూడా ఇందుకు అంగీకరించారు.
దుబాయ్
ఆర్థిక వ్యవస్థ వృద్ధికి మద్య దోహదం...
చాలా కాలంగా మద్యం అమ్మకాలు దుబాయ్ ఆర్థిక వ్యవస్థ వృద్ధికి దోహద పడుతున్నాయి. అందుకే మద్యం విషయంలో కొంతకాలంగా దుబాయ్ ప్రభుత్వం అనూహ్య నిర్ణయాలు తీసుకుంటోంది. రంజాన్ నెలలో కూడా పగటిపూట మద్యం విక్రయించేందుకు అనుమతులు ఇచ్చింది.
లాక్‌డౌన్‌ల సమయంలో హోమ్ డెలివరీ సర్వీసులను కూడా ప్రారంభించింది. తాజాగా మద్యం ప్రియులను ఆకర్షించేందుకు పన్ను రద్దు చేసి.. మరో సాహసోపేతమైన నిర్ణయం తీసుకుంది.
వాస్తవానికి దుబాయ్‌లో లిక్కర్‌పై పన్ను రద్దు చేయాలని దేశ ప్రజలతోపాటు, ప్రయాణికులు చాలా కాలంగా డిమాండ్ చేస్తున్నారు. మద్యంపై పన్ను రద్దు చేయడం వల్ల ప్రభుత్వానికి భారీ స్థాయిలో రాబడి పడిపోతుంది. అయినా.. ఏమాత్రం ఆలోచించకుండా.. భవిష్యత్‌లో పర్యాటక రంగం అభివృద్ధిని దృష్టిలో పెట్టుకొని.. పన్నును ఎత్తివేసినట్లు కనిపిస్తోంది.