Mexico Shooting: మెక్సికోలో విచక్షణారహితంగా కాల్పులు.. ఆరుగురు మృతి
ఈ వార్తాకథనం ఏంటి
ఉత్తర మెక్సికోలో హృదయ విదారకమైన ఉదంతం వెలుగులోకి వచ్చింది. ముగ్గురు దుండగులు ఓ పార్టీలోకి చొరబడి విచక్షణారహితంగా కాల్పులు జరిపారు. ఈ కాల్పుల్లో ఆరుగురు మృతి చెందగా, 26 మంది గాయపడ్డారు. గాయపడిన వారందరినీ వెంటనే ఆస్పత్రికి తరలించారు. సరిహద్దు రాష్ట్రమైన సోనోరాలో ఈ కాల్పుల ఘటన చోటుచేసుకుంది. మరణించిన వారిలో ఇద్దరు 18 సంవత్సరాల కంటే తక్కువ వయస్సు ఉన్నవారు ఉన్నారు. ఇది కాకుండా, గాయపడిన వారిలో ఐదుగురు పిల్లలు ఉన్నారు. కాల్పులు జరిపిన అనంతరం దుండగులు తప్పించుకునేందుకు ప్రయత్నించారు. ఈ క్రమంలో పోలీసులు జరిపిన కాల్పల్లో దుండగులు హతమయ్యారని అధికారులు తెలిపారు.
తుపాకీ కాల్పులు
ప్రీ-క్రిస్మస్ వేడుకలో 12 మంది మృతి
మెక్సికోలో కూడా కాల్పుల ఘటనలు సర్వసాధారణమైపోయాయి. దాదాపు 12 రోజుల క్రితం ప్రీ క్రిస్మస్ పార్టీ సందర్భంగా జరిగిన కాల్పుల్లో 12 మంది చనిపోయారు. సెంట్రల్ మెక్సికోలోని గ్వానాజువాటో రాష్ట్రంలో ఈ ఘటన చోటుచేసుకుంది. ఆరుగురు దుండగులు కలిసి ఒక ఈవెంట్లోకి ప్రవేశించి విచక్షణారహితంగా కాల్పులు జరిపారు. ఇందులో 12 మంది మరణించారు. చాలా మంది గాయపడ్డారు. మెక్సికోలోని అత్యంత హింసాత్మక రాష్ట్రాలలో గ్వానాజువాటో ఒకటి. ఇక్కడ ప్రతిరోజూ కాల్పుల ఘటనలు జరుగుతూనే ఉన్నాయి.