జపాన్ లో భారీ భూకంపం.. పరుగుల తీసిన జనం
ఈ వార్తాకథనం ఏంటి
జపాన్ లో భారీ భూకంపం సంభవించింది. భూకంపం తీవ్రత రిక్టర్ స్కేలుపై 6.3గా నమోదైనట్లు జపాన్ మెటరాలజికల్ ఏజెన్సీ వెల్లడించింది. శుక్రవారం భూమి ఒక్కసారిగా కంపించింది. దీంతో ప్రజలు భయంతో ఇంటికి బయటికి పరుగులు పెట్టారు. సెంట్రల్ జపాన్ లోని ఇషికావా ఫ్రి ఫెక్చర్ లో భూ ఉపరితలం నుంచి 10 కిలోమీటర్ల లోతులో ఈ కదలికలు ఏర్పడినట్లు ధ్రువీకరించారు. ధ్వంసమైన భవనాల నివేదికలను అధికారులు పరిశీలించడం మొదలుపెట్టారు. అయితే సునామీ ముప్పు ఏమీ లేదని అధికారులు తెలియజేశారు.
Details
నెల రోజుల వ్యవధిలో జపాన్ లో రెండోసారి భూకంపం
సముద్ర మట్టంలో 20సెం.మీ కంటే తక్కువలో మార్పులు వచ్చే అవకాశం ఉందని వాతావరణ సంస్థ తెలిపింది. అయితే భూకంపం వల్ల జరిగిన నష్టానికి సంబంధించిన వివరాలు ఇప్పటివరకు తెలియలేదని అధికారులు తెలిపారు. నెలరోజుల వ్యవధిలోనే జపాన్ లో భూకంపం సంభవించడం ఇది రెండోసారి. జపాన్ లో మే 1న స్వల్పంగా భూకంపం సంభవించింది. రిక్టర్ స్కేలుపై భూకంపం తీవ్రత 5.9గా నమోదైంది. జపాన్ లోని కట్సురెన్-హెబారుకు తూర్పు ఆగ్నేయంగా 79 కిలోమీటర్ల దూరంలో భూకంపం సంభవించింది.