ట్రంప్ ఫేస్‌బుక్, ఇన్‌స్టా ఖాతాలకు యాక్సెస్, రెండేళ్ల తరువాత పునరుద్ధరణ
అమెరికా మాజీ అధ్యక్షుడు డోనాల్డ్ ట్రంప్‌పై ఉన్న నిషేధాన్ని ప్రముఖ సామాజిక మధ్యమాలైన ఫేస్‌బుక్, ఇన్ స్టాగ్రామ్ ఎత్తివేశాయి. 2021లో యూఎస్ క్యాపిటల్‌పై జరిగిన దాడి తర్వాత ఆయన్ను బ్యాన్ చేశారు. అయితే రెండేండ్ల తరువాత ఆయన అకౌంట్లకు యాక్సిస్‌ను పునరుద్ధరిస్తున్నట్లు ఫేస్ బుక్, ఇన్ స్టాగ్రామ్ ల మాతృసంస్థ మెటా ప్రకటించింది. 2021 లో జరిగిన అధ్యక్ష ఎన్నికల్లో డొనాల్డ్ ట్రంప్ ఓటమి అనంతరం దేశంలో పెద్ద హింసాకాండ చెలరేగింది. ఆయన మద్దతుదారులు యూఎస్ క్యాపిటల్ భవనంలోకి దూసుకెళ్లి విధ్వంసం సృష్టించారు. వారిని ట్రంప్ రెచ్చగొట్టారని అప్పట్లో వార్తలొచ్చాయి. ఈ నేపథ్యంలో ట్రంప్ ఖాతాలను తొలగిస్తున్నట్లు ఫేస్‌బుక్, ఇన్ స్టాతో పాటు ట్విట్టర్ ప్రకటించారు.
యాక్సెస్‌ను ఇస్తున్నట్లు ధ్రువీకరించిన మెటా ప్రతినిధి
ప్రస్తుతం ట్రంప్ ఫేస్‌బుక్, ఇన్‌స్టాగ్రామ్ యాక్సెస్ ను ధ్రువీకరిస్తున్నట్లు మెటా ప్రతినిధి ఆండీ స్టోన్ తెలిపారు. జనవరి నాటికి ట్రంప్‌కి ఇన్‌స్టాగ్రామ్‌లో 23 మిలియన్లు, ఫేస్‌బుక్‌లో 34 మిలియన్ల మంది ఫాలోవర్లు ఉన్నారు. ప్రజలు ఇకపై తమ రాజకీయ నాయకులు ఏం చెబుతున్నారో వినవచ్చు. అది మంచైనా, చెడైనా అంటూ బ్లాగ్‌ స్పాట్‌ వేదికగా వెల్లడించింది.
