2026 Keeway V302C: భారత్లో 2026 కీవే V302C లాంచ్.. ధర రూ.4.22 లక్షలు
ఈ వార్తాకథనం ఏంటి
భారత్లో కీవే ఇండియా తన క్రూయిజర్ బైక్ లైన్అప్ను రిఫ్రెష్ చేస్తూ కొత్తగా 2026 V302C మోడల్ను మార్కెట్లోకి తీసుకొచ్చింది. ఈ బైక్ ధర ఎక్స్షోరూమ్గా రూ.4.22 లక్షలుగా నిర్ణయించారు. కొత్త మోడల్లో ప్రధానంగా యెల్లో కలర్ ఆప్షన్ను జోడించారు. ఇప్పటికే ఉన్న రెడ్, బ్లాక్ రంగులతో పాటు ఇప్పుడు యెల్లో కూడా అందుబాటులోకి రావడంతో కస్టమర్లకు మరిన్ని ఎంపికలు లభిస్తున్నాయి. అయితే డిజైన్లో పెద్ద మార్పులు లేకుండా అదే లో-స్లంగ్, నీయో-రెట్రో క్రూయిజర్ లుక్ను కొనసాగించారు. ఇంజిన్ విషయానికి వస్తే, 298 సీసీ లిక్విడ్ కూల్డ్ V-ట్విన్ ఇంజిన్ అలాగే కొనసాగింది. బెల్ట్ డ్రైవ్ ట్రాన్స్మిషన్తో ఇది ఈ సెగ్మెంట్లో ప్రత్యేకతను నిలుపుకుంది.
వివరాలు
ట్యాక్స్ బెనిఫిట్స్ కారణంగా తాత్కాలికంగా రూ.3.99 లక్షలకు
ఈ ఇంజిన్ 8,500 rpm వద్ద 29.5 hp పవర్, 6,500 rpm వద్ద 26.5 Nm టార్క్ ఇస్తుంది. ముందుభాగంలో టెలిస్కోపిక్ ఫోర్క్, వెనుక ట్విన్ షాక్ అబ్జార్బర్లు ఉండగా, బ్రేకింగ్ కోసం ముందు 300 mm, వెనుక 240 mm డిస్క్ బ్రేక్స్తో పాటు డ్యూయల్ ఛానల్ ABS అందించారు. అలాయ్ వీల్స్, 15 లీటర్ల ఫ్యూయల్ ట్యాంక్, తక్కువ సీట్ హైట్తో ఈ బైక్ రైడింగ్కు కంఫర్ట్ను అందిస్తుంది. ఇక ధర విషయానికి వస్తే, గతంలో ఈ బైక్ రూ.4.29 లక్షలకు ఉండగా, ట్యాక్స్ బెనిఫిట్స్ కారణంగా తాత్కాలికంగా రూ.3.99 లక్షలకు తగ్గించారు. ప్రస్తుతం కొత్త మోడల్ రూ.4.22 లక్షల ధరతో మార్కెట్లోకి వచ్చింది.