'Recirculation' button : వేసవిలో డ్రైవర్లకు బెస్ట్ టిప్.. ఈ ఏసీ బటన్ వాడితే కారు వెంటనే కూల్!
ఈ వార్తాకథనం ఏంటి
కారులో ఉన్న చిన్న చిన్న బటన్లలో చాలామంది డ్రైవర్లు పట్టించుకోని ఒక బటన్ ఉంది. అదే "ఎయిర్ రీసర్క్యులేషన్" బటన్. సాధారణంగా కార్ ఆకారంలో లోపల వంకర బాణం గుర్తుతో కనిపించే ఈ బటన్ను చాలామంది సరైన విధంగా ఉపయోగించరు. కానీ ఈ చిన్న బటన్ మీ కారులో ఏసీ పనితీరును పూర్తిగా మార్చగలదు. అంతేకాదు, కారు త్వరగా చల్లబడటానికి, ఇంధనం ఆదా కావడానికి కూడా ఇది ఉపయోగపడుతుంది.
వివరాలు
అసలు ఈ బటన్ ఏం చేస్తుంది?
ఈ బటన్ను ఆన్ చేసినప్పుడు కారులోని ఏసీ వ్యవస్థ బయట గాలిని లోపలికి తీసుకోవడం ఆపేస్తుంది. బయట నుంచి వచ్చే వెంట్స్ మూసుకుపోయి, కార్ కేబిన్లో ఉన్న గాలినే మళ్లీ మళ్లీ ఏసీ ద్వారా చల్లబరుస్తుంది. సాధారణంగా ఈ గాలి కారు ఫుట్వెల్స్ లేదా కేబిన్ లోపలి భాగాల నుంచి తీసుకుని తిరిగి సర్క్యులేట్ అవుతుంది. చూడటానికి ఇది చిన్న మార్పులా అనిపించినా, కార్ కూలింగ్పై దీని ప్రభావం చాలా ఎక్కువగా ఉంటుంది.
వివరాలు
కారు త్వరగా చల్లబడుతుంది
వేసవిలో ఎండలో నిలిపిన కారులో ఉష్ణోగ్రత చాలా ఎక్కువగా ఉంటుంది. అలాంటి సమయంలో ఏసీ బయట నుంచి వేడి గాలిని తీసుకుని చల్లబరచాల్సి వస్తే ఎక్కువ సమయం పడుతుంది. కానీ రీసర్క్యులేషన్ మోడ్ ఆన్ చేస్తే, ఇప్పటికే కొంత చల్లబడిన లోపలి గాలినే మళ్లీ చల్లబరుస్తుంది. దీంతో కారు చాలా వేగంగా కూల్ అవుతుంది. ఇంధనం కూడా ఆదా అవుతుంది బయటి వేడి గాలిని పదేపదే చల్లబరచాల్సిన అవసరం లేకపోవడంతో ఏసీపై భారం తగ్గుతుంది. ఫలితంగా ఇంజిన్పై ఒత్తిడి కూడా తగ్గి, కొంత మేర ఫ్యూయల్ సేవ్ అయ్యే అవకాశం ఉంటుంది.
వివరాలు
ఎప్పుడు ఉపయోగించాలి?
వేసవిలో ఏసీ ఆన్ చేసిన తర్వాత ట్రాఫిక్ ఎక్కువగా ఉన్న ప్రాంతాల్లో బయట కాలుష్యం, దుమ్ము ఎక్కువగా ఉన్నప్పుడు టన్నెల్స్ లేదా పొగ ఎక్కువగా ఉన్న ప్రాంతాల్లో ప్రయాణిస్తున్నప్పుడు ఈ బటన్ ఉపయోగిస్తే బయట కాలుష్య గాలి లోపలికి రాకుండా కూడా సహాయపడుతుంది.
వివరాలు
ఎప్పుడు ఆఫ్ చేయాలి?
చాలా సేపు నిరంతరం రీసర్క్యులేషన్ మోడ్లో ప్రయాణిస్తే కేబిన్లో గాలి నిలిచిపోవచ్చు. దీంతో కొందరికి మత్తుగా అనిపించే అవకాశం ఉంటుంది. అందుకే కొంతసేపు తర్వాత బయట గాలిని కూడా లోపలికి రానివ్వడం మంచిదని నిపుణులు సూచిస్తున్నారు. మొత్తానికి, కారులో చాలామంది పట్టించుకోని ఈ చిన్న బటన్ సరైన విధంగా ఉపయోగిస్తే ప్రయాణం మరింత కంఫర్ట్గా మారడమే కాకుండా, ఏసీ పనితీరు కూడా మెరుగుపడుతుంది.