Tata Sierra EV : టాటా సియెర్రా ఈవీపై బిగ్ అప్డేట్.. తొలి డెలివరీ పూర్తి.. రోడ్లపైకి దూసుకొచ్చిన ఎలక్ట్రిక్ SUV!

వ్రాసిన వారు Jayachandra Akuri

Jul 18, 2026

02:54 pm

ఈ వార్తాకథనం ఏంటి

భారత ఎలక్ట్రిక్ వాహనాల మార్కెట్‌లో మరో కీలక ఘట్టం నమోదైంది. టాటా మోటార్స్ రూపొందించిన ఐకానిక్ 'సియెర్రా ఈవీ' ఎస్‌యూవీకి సంబంధించి ధరలు ప్రకటించి, బుకింగ్స్ ప్రారంభించిన కొద్ది రోజులకే కంపెనీ డెలివరీలను ప్రారంభించింది. దేశంలో తొలి 'సియెర్రా ఈవీ'ను గుజరాత్‌లోని అహ్మదాబాద్ నగరంలో వినియోగదారుడికి అందజేశారు. కొత్త కారుతో దిగిన ఫోటోను యజమాని ఇన్‌స్టాగ్రామ్‌లో పంచుకోవడంతో ఈ విషయం వెలుగులోకి వచ్చింది. అహ్మదాబాద్‌లో రోడ్లపైకి వచ్చిన తొలి సియెర్రా ఈవీ ఇదే కావడంతో టాటా మోటార్స్‌కు ఇది ప్రత్యేక మైలురాయిగా నిలిచింది. డెలివరీ అయిన కారు 'నైనిటాల్ నాక్టర్న్ బ్లూ' రంగులో ఆకట్టుకుంటోంది. పెద్ద బ్యాటరీ ప్యాక్‌తో పాటు ఆల్-వీల్ డ్రైవ్ (AWD)సదుపాయం కలిగిన టాప్ ఎండ్ 'ఎంపవర్డ్ AWD' వేరియంట్.

వివరాలు

డిజైన్‌లో ప్రత్యేకత.. ఎలక్ట్రిక్ టచ్‌తో కొత్త లుక్

సియెర్రా ఈవీ బాహ్య డిజైన్ రాబోయే పెట్రోల్, డీజిల్ వెర్షన్లతో దాదాపు ఒకేలా ఉన్నప్పటికీ, ఇది ఎలక్ట్రిక్ మోడల్ అనే విషయాన్ని తెలియజేసేలా టాటా ప్రత్యేక మార్పులు చేసింది.

ముందు భాగంలో క్లోజ్డ్ గ్రిల్, స్వల్పంగా మార్చిన ఫ్రంట్ ఫేసియా దీనికి ఆధునిక రూపాన్ని తీసుకొచ్చాయి.

అదే సమయంలో పాత సియెర్రా డిజైన్‌ను గుర్తు చేసే అంశాలను కూడా కొనసాగించింది.

ఈ ఎస్‌యూవీలో నైట్ సేబర్ బై-ఎల్‌ఈడీ బూస్టర్ హెడ్‌ల్యాంప్స్, ఆకర్షణీయమైన ఫ్రంట్ బంపర్, ఫాక్స్ స్కిడ్ ప్లేట్, వాహనం వెడల్పు అంతా విస్తరించిన ఎల్‌ఈడీ లైట్ బార్, డ్యూయల్ ఫంక్షన్ ఎల్‌ఈడీ డీఆర్‌ఎల్‌లున్నాయి.

వివరాలు

లగ్జరీ క్యాబిన్.. అత్యాధునిక టెక్నాలజీ

అలాగే 19 అంగుళాల ఏరో అలాయ్ వీల్స్, ఫ్లష్ డోర్ హ్యాండిల్స్, స్లిమ్ ఎల్‌ఈడీ టెయిల్ ల్యాంప్స్, రీడిజైన్ చేసిన రియర్ బంపర్ కారుకు స్పోర్టీ లుక్‌ను అందిస్తున్నాయి.

క్యాబిన్‌లోకి అడుగుపెడితే టాటా సిగ్నేచర్ 'హోరైజన్ వ్యూ ట్రిపుల్ స్క్రీన్' సెటప్ ప్రత్యేక ఆకర్షణగా నిలుస్తుంది.

ఇందులో ఒక స్క్రీన్ డ్రైవర్‌కు అవసరమైన సమాచారాన్ని అందిస్తే, మిగిలిన రెండు స్క్రీన్‌లు ఇన్ఫోటైన్‌మెంట్ కోసం ఉపయోగపడతాయి.

ఈ సిస్టమ్ Arcade.ev సాఫ్ట్‌వేర్‌తో పనిచేస్తుంది. ఇది ఆండ్రాయిడ్ ఆటో, ఎలక్ట్రిక్ వాహనాలకు అనువైన ప్రత్యేక రూట్ ప్లానింగ్, అలాగే 30కి పైగా యాప్‌లకు మద్దతు ఇస్తుంది.

వివరాలు

అధునాతన ఫీచర్లు

లైట్ కలర్ థీమ్, లేదరెట్ అప్‌హోలిస్ట్రీతో క్యాబిన్‌ను ప్రీమియంగా తీర్చిదిద్దారు.

ఈ విభాగంలోనే అతిపెద్ద పనోరమిక్ సన్‌రూఫ్, డాల్బీ అట్మోస్ సపోర్ట్‌తో 12-స్పీకర్ JBL బ్లాక్ ఆడియో సిస్టమ్ ప్రధాన ఆకర్షణలుగా నిలుస్తాయి.

అదనంగా డ్యూయల్ జోన్ క్లైమేట్ కంట్రోల్, ఇన్‌బిల్ట్ ఎయిర్ ప్యూరిఫైయర్, వెంటిలేటెడ్ ఫ్రంట్ సీట్లు, మెమరీ ఫంక్షన్‌తో 6-వే పవర్డ్ డ్రైవర్ సీట్, థై సపోర్ట్ అడ్జస్ట్‌మెంట్, హెడ్-అప్ డిస్‌ప్లే, అలాగే 540-డిగ్రీ సరౌండ్ వ్యూ కెమెరా (ట్రాన్స్‌పరెంట్ మోడ్) వంటి ఫీచర్లు అందుబాటులో ఉన్నాయి.

వివరాలు

రెండు బ్యాటరీ ఆప్షన్లు.. ఆకట్టుకునే రేంజ్

టాటా సియెర్రా ఈవీని 63 kWh, 75 kWh బ్యాటరీ ప్యాక్‌లతో అందిస్తోంది.

75 kWh బ్యాటరీ : MIDC ప్రమాణాల ప్రకారం గరిష్టంగా 665 కిలోమీటర్ల రేంజ్, వాస్తవ పరిస్థితుల్లో (C75) 500 కిలోమీటర్లకు పైగా ప్రయాణ సామర్థ్యం.

63 kWh బ్యాటరీ : MIDC ప్రకారం 565 కిలోమీటర్లు, వాస్తవ రోడ్లపై 440-460 కిలోమీటర్ల వరకు ప్రయాణించగలదు.

వివరాలు

పవర్, పనితీరు

వేరియంట్‌ను బట్టి పవర్ అవుట్‌పుట్ మారుతుంది.

63 kWh వేరియంట్ - 238 PS పవర్.

టాప్ ఎండ్ AWD వేరియంట్ - 345 bhp పవర్, 504 Nm గరిష్ట టార్క్‌ను ఉత్పత్తి చేస్తుంది.

ప్రయాణాన్ని మరింత సౌకర్యవంతంగా మార్చేందుకు బూస్ట్ మోడ్, ఫ్రీక్వెన్సీ డిపెండెంట్ డాంపింగ్‌తో 5-లింక్ రియర్ సస్పెన్షన్, అల్ట్రా గ్లైడ్ సస్పెన్షన్‌ను అందించారు.

AWD వెర్షన్‌లో నార్మల్, గ్రాస్/స్నో, మడ్ రట్స్/గ్రావెల్, శాండ్, రాక్ క్రాల్, కస్టమ్ అనే మొత్తం ఆరు టెర్రైన్ మోడ్‌లున్నాయి.

ప్రస్తుతం టాటా సియెర్రా ఈవీ ప్రారంభ ఎక్స్‌షోరూమ్ ధర రూ.18.79 లక్షలు కాగా, టాప్ ఎండ్ వేరియంట్ ధర రూ.26.48 లక్షల వరకు ఉంది.