భారత్‌లో మరో కారును విడుదల చేసిన బీఎండబ్ల్యూ.. ధర తెలిస్తే షాక్ అవ్వాల్సిందే!
ఈ వార్తాకథనం ఏంటి
లగ్జరీ కార్ల విభాగంలో బీఎండబ్ల్యూ కి ఉన్న క్రేజ్ గురించి ప్రత్యేకంగా చెప్పనక్కర్లేదు. ఇప్పటికే భారత్‌లో బీఎండబ్ల్యూ కోసం కస్టమర్లు ఎగబడి కొనుగోలు చేస్తున్నారు.
గతంలో ఓ కారును విడుదల చేసి ఆ సంస్థ.. తాజాగా మరో కారును భారత్ లో లాంచ్ చేసింది. 630ఐ ఎం స్పోర్ట్ సిగ్నేచర్ పేరిట వచ్చిన ఈ కారును దేశీయంగానే తయారు చేశారు.
చైన్నై తయారీ కేంద్రంలో దీన్ని తయారు చేసినట్లు ఆ సంస్థ స్పష్టం చేసింది.
పెట్రోల్ వేరియంట్‌తో వస్తున్న ఈ కారు ధర సూమారుగా రూ.75.90 లక్షలు ఉండనుంది. బీఎండబ్ల్యూ 630ఐ ఎం స్పోర్ట్ సిగ్నేచర్ లో 2-లీటర్-సిలిండర్ పెట్రోల్ ఇంజిన్ రానుంది.
Details
బీఎండబ్ల్యూ 630ఐ ఎం స్పోర్ట్ సిగ్నేచర్ కారులో ఆరు ఎయిర్ బ్యాగులు
బీఎండబ్ల్యూ 630ఐ ఎం స్పోర్ట్ సిగ్నేచర్ కారు 6.5 సెకన్లలోనే 0-100 కిలోమీటర్ల వేగాన్ని అందుకుంటుందని కంపెనీ స్పష్టం చేసింది. ఇది 190kW శక్తిని, 258hp ఇంజిన్‌తో వస్తోంది.
కీలెస్ ఎంట్రీ, 12.3 అంగుళాల ఇన్ఫోటైన్‌మెంట్‌ టచ్‌స్క్రీన్‌, రిమోట్‌ పార్కింగ్‌ అసిస్ట్‌ వంటి ఫీచర్లను అద్భుతంగా తీర్చిదిద్దారు.
ఇక వెనుక సీట్లలో ఉన్నవాళ్లకు 10.2 అంగుళాల ఎంటర్ టైన్ మెంట్ స్క్రీన్లు ఇవ్వడం విశేషం. అదే రివర్స్ కెమెరా, 16 స్పీకర్ల 'హర్మన్ కర్డన్ సరౌండ్ సిస్టమ్ ను ఏర్పాటు చేశారు.
ఆరు ఎయిర్ బ్యాగులు, ఈబీడీతో కూడిన ఏబీఎ్ వంటి భద్రతా ఫీచర్లు కూడా ఉన్నాయి.