Royal Enfield Bullet 350: కొత్త బుల్లెట్ వచ్చేస్తోంది.. ఫీచర్లు సూపర్బ్!
ఈ వార్తాకథనం ఏంటి
దేశంలోనే పేరొందిన టూ వీలర్స్ సంస్థ రాయల్ ఎన్‌ఫీల్డ్, బుల్లెట్ 350 మోటార్ సైకిల్‌ను సెప్టెంబర్ 1న లాంచ్ చేయనుంది. దీని ధర రూ.1.5 లక్షలు ఉండే అవకాశం ఉంది.
ఇప్పటికే 350 సీసీ కేటగిరీలో మార్కెట్లో ఉన్న హంటర్ 350, క్లాసిక్ 350 మోటారు సైకిళ్లలోని ఫీచర్లతో పాటు కొన్ని మార్పులతో బుల్లెట్-350 బైక్ రానుంది.
బేస్, మిడ్, టాప్ వేరియంట్లలో న్యూ బైక్ వస్తుందని తెలుస్తోంది. ఈ బైకులో జె-సిరీస్ ఇంజిన్‌ను అమర్చనున్నట్లు తెలుస్తోంది.
5 స్పీడ్ గేర్ బాక్స్ తో పాటు, ఇన్సుట్రుమెంట్ కన్సోల్, ఛార్జింగ్ కు వీలుగా యూఎస్ బీ పోర్ట్ ఇస్తున్నట్లు తెలుస్తోంది.
Details
రాయల్ ఎన్ ఫీల్డ్ బుల్లెట్ 350లో అధునాతన ఫీచర్లు
ఈ బైక్ ఇంజిన్ గరిష్టంగా 6100 ఆర్పీఎం వద్ద 20.2 బీహెచ్పీ విద్యుత్, 4000 ఆర్పీఎం వద్ద 27 ఎన్ఎం టార్చి వెలువరిస్తుంది.
న్యూ స్విచ్ గేర్, అడ్వాన్స్డ్ ఇన్ స్ట్రుమెంట్ కన్సోల్ వంటి అధునాతన ఫీచర్లు ఉన్నాయి. బుల్లెట్ 350 లాంచింగ్ సమయంలో మరో మూడు బైకులను కూడా రాయల్ ఎన్ ఫీల్డ్ తన వెబ్ సైట్‌లో టీజ్ చేస్తోంది.
ఇందులో బుల్లెట్ 500, బుల్లెట్ ఎలక్ట్రా, బుల్లెట్ సిక్స్ టీ 5 ఉన్నాయి. బుల్లెట్ 500 మోడల్ ను బీఎస్-6 కు అనుగుణంగా లేని కారణంగా 2020లోనే కంపెనీ నిలిపివేసిన విషయం తెలిసిందే.