Next Supreme Leader of Iran: ఖమేనీ మరణం తరువాత ఇరాన్ సుప్రీం లీడర్ రేస్లో ఇద్దరు కీలక అభ్యర్ధులు!
ఈ వార్తాకథనం ఏంటి
ఇరాన్ అత్యున్నత నేత ఆయతుల్లా అలీ ఖమేనీ మరణంతో ఆ దేశం తీవ్ర రాజకీయ సంక్షోభంలో మునిగిపోయింది. అమెరికా-ఇజ్రాయెల్ సంయుక్త దాడులు, అంతర్గత అధికార పోరాటాలు కలిసి ఇరాన్ కొత్త సుప్రీం లీడర్ను ఎన్నుకోవాల్సిన అనివార్య పరిస్థితిని సృష్టించాయి. ఇరాన్ అధికారిక మీడియా 'ప్రెస్ టీవీ' ఖమేనీ మరణాన్ని ధృవీకరించిన తర్వాత, ఇప్పుడు 'ఖమేనీ వారసుడు ఎవరు?' అనే ప్రశ్నలు తలెత్తున్నాయి. ఇరాన్ రాజ్యాంగంలోని 'విలాయత్-ఎ-ఫకీహ్' సూత్రం ప్రకారం, సుప్రీం లీడర్ పదవిని కేవలం అత్యున్నత స్థాయి మత పండితుడు (ముజ్తహిద్) మాత్రమే చేపట్టగలరు. ఖమేనీ తన జీవితకాలంలో వారసుడిగా ఎవరినీ అధికారికంగా ప్రకటించకపోవడం, ఈ క్రమంలో ఉత్కంఠను పెంచుతోంది.
Details
ప్రముఖంగా వినిపిస్తున్న ఇద్దరి పేర్లు ఇవే
మోజ్తబా ఖమేనీ ఆయతుల్లా అలీ ఖమేనీ కుమారుడు. ఇరాన్ రాజకీయాల్లో, నిఘా వర్గాల్లో ఆయనకు బలమైన పట్టు ఉంది. హసన్ ఖమేనీ ఇరాన్ వ్యవస్థాపకుడు ఆయతుల్లా ఖొమేనీ మనవడు. మతపరమైన సంస్థల్లో, సంప్రదాయవాద వర్గాల్లో మంచి గుర్తింపు పొందిన నాయకుడు. సుప్రీం లీడర్ను అధికారికంగా ఎన్నుకునే బాధ్యత 88 మంది మత పండితులతో కూడిన 'నిపుణుల మండలి' (Assembly of Experts) కు ఉంది. అయితే వాస్తవంలో తాము నడిపే చక్రం దేశంలోని శక్తివంతమైన సంస్థలపై ఆధారపడి ఉంటుంది. వారసుడిగా ఎవరు వచ్చినా, ప్రధాన మత సంస్థలు, సైన్యాన్ని ఒప్పించడం ప్రధాన సవాలుగా మారుతుంది.
Details
IRGC చేతుల్లోకి వెళ్లే అవకాశాలు ఎక్కువ
ఇరాన్ రాజకీయాల్లో ఇస్లామిక్ రివల్యూషనరీ గార్డ్స్ కార్ప్స్ (IRGC) అత్యంత శక్తివంతమైన విభాగంగా ఉంటుంది. ఇది నేరుగా సుప్రీం లీడర్కు జవాబుదారీ. తాజాగా జరిగిన దాడుల్లో IRGC కమాండర్ మొహమ్మద్ పక్పూర్ మరణించడంతో ఈ సంస్థలో అంతర్గత శక్తి సమతుల్యత దెబ్బతిన్నట్లుగా తెలుస్తోంది. కొత్త సుప్రీం లీడర్ ఎవరైనా, IRGC మద్దతుపై ఆధారపడి ఉంటుంది. నిపుణుల ప్రకారం, ప్రస్తుతం ఇరాన్ భవిష్యత్తును నిర్ణయించే ప్రధాన శక్తి ఈ సైనిక విభాగమే. ఇరాన్ అధ్యక్షుడు మసౌద్ పెజెష్కియన్ స్థితి కూడా అస్పష్టంగా ఉంది. ఆయన నివాసంపై కూడా దాడులు జరిగడంతో, ఆయన క్షేమంపై అనిశ్చితి నెలకొన్నది. ఈ నేపథ్యంలో ఇరాన్ పాలన పూర్తిగా IRGC చేతుల్లోకి వెళ్లే అవకాశాలు ఎక్కువగా కనిపిస్తున్నాయి.