సిట్రోయెన్ C3 vs టాటా టియాగో EV ఏది కొనడం మంచిది
ఫ్రెంచ్ కార్ల తయారీ సంస్థ సిట్రోయెన్ తన మొట్టమొదటి ఎలక్ట్రిక్ కార్ C3ని భారతదేశంలో రూ.11.5 లక్షలు ప్రారంభ ధరతో విడుదల చేసింది. ఇది మార్కెట్లో టాటా మోటార్స్ టియాగో లాంగ్-రేంజ్ వెర్షన్‌కి పోటీగా ఉంటుంది. టాటా మోటార్స్ 87% మార్కెట్ వాటాతో భారతదేశపు అతిపెద్ద ఎలక్ట్రిక్ వాహన తయారీదారు. Tiago EV, Tigor EV, Nexon EV వంటి వాటితో ఈ సెగ్మెంట్‌లో ఎదురులేకుండా దూసుకుపోతుంది. చాలా వాహన తయారీసంస్థలు టాటాతో పోటీకి ప్రయత్నిస్తున్నాయి. సిట్రోయెన్ C3లో కీలెస్ ఎంట్రీ, ఆరు ఎయిర్‌బ్యాగ్‌లు, డిజిటల్ ఇన్‌స్ట్రుమెంట్ క్లస్టర్, వైర్‌లెస్ కనెక్టివిటీ ఆప్షన్స్ తో వస్తుంది. టాటా టియాగో EVలో కూల్డ్ గ్లోవ్‌బాక్స్, డ్యూయల్ ఎయిర్‌బ్యాగ్‌లు, ఐదు-సీట్ల క్యాబిన్‌ ఉంటుంది.
టాటా టియాగో EVలో సిట్రోయెన్ C3 కన్నా మెరుగైన ఫీచర్స్ ఉన్నాయి
సిట్రోయెన్ C3 29.2kWh బ్యాటరీ ప్యాక్‌తో కనెక్ట్ చేసిన ఎలక్ట్రిక్ మోటార్ తో నడుస్తుంది. ఒక్కసారి ఛార్జింగ్ చేస్తే 320కిలోమీటర్ల వరకు ప్రయాణించవచ్చు. టాటా టియాగో ఎలక్ట్రిక్ వాహనం లాంగ్-రేంజ్ వెర్షన్ 24kWh బ్యాటరీ ప్యాక్‌తో కనెక్ట్ అయిన ఎలక్ట్రిక్ మోటార్‌పై నడుస్తుంది, ఒక్కసారి ఛార్జ్ చేస్తే 315కిమీల వరకు ప్రయాణించగలదు. భారతదేశంలో, సిట్రోయెన్ C3 రూ. 11.5 లక్షలు నుండి రూ. 12.13 లక్షలు, టాటా టియాగో EV లాంగ్-రేంజ్ వెర్షన్ రూ. 10.19 లక్షలు నుండి రూ. 12 లక్షలు (అన్ని ధరలు, ఎక్స్-షోరూమ్). టాటా టియాగో EV సిట్రోయెన్ C3 కన్నా మెరుగైన ఫీచర్స్ తో కొంచెం తక్కువ ధరకు అందుబాటులో ఉంటుంది.
