Family cars : చిన్న, చింతలేని కుటుంబానికి.. బెస్ట్ 5 బడ్జెట్ ఫ్యామిలీ కార్లు ఇవే!

వ్రాసిన వారు Jayachandra Akuri

Feb 28, 2026

12:22 pm

ఈ వార్తాకథనం ఏంటి

ఒకప్పుడు కారు కొనేటప్పుడు ఎంత మైలేజీ ఇస్తుంది? అన్నదే ప్రధాన ప్రశ్నగా ఉండేది. కానీ ఇప్పుడు పరిస్థితి పూర్తిగా మారిపోయింది. భారతీయ వినియోగదారులు తమ కుటుంబ సభ్యుల భద్రత, ప్రయాణ సౌకర్యానికి ఎక్కువ ప్రాధాన్యత ఇస్తున్నారు. అవసరమైతే ప్రీమియం ఫీచర్ల కోసం అదనపు ఖర్చు చేయడానికి కూడా సిద్ధంగా ఉన్నారు. ఈ మార్పును గమనించిన ఆటో మొబైల్ కంపెనీలు అత్యాధునిక సేఫ్టీ ఫీచర్లతో, బడ్జెట్ ధరల్లోనే కొత్త మోడళ్లను మార్కెట్లోకి తీసుకొస్తున్నాయి. మీ బడ్జెట్ రూ.10 లక్షల లోపే ఉండి, నలుగురు సభ్యుల కుటుంబానికి సరిపోయే మంచి ఫ్యామిలీ కారు కోసం చూస్తుంటే, ఈ 5 ఆప్షన్లు తప్పక పరిశీలించాల్సిందే.

Details

టాప్-5 ఫ్యామిలీ కార్స్ 2026

1. హోండా అమేజ్ సబ్-కాంపాక్ట్ సెడాన్ విభాగంలో ఇది ఒక నమ్మకమైన ఎంపిక. ఇందులో 1.2 లీటర్ ఐ-వీటెక్ ఇంజన్ అందుబాటులో ఉంటుంది. సౌకర్యాలు 8-ఇంచ్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో/యాపిల్ కార్‌ప్లే, పీఎం2.5 ఎయిర్ ఫిల్టర్, ఆటోమేటిక్ క్లైమేట్ కంట్రోల్. భద్రత 'హోండా సెన్సింగ్' (లెవల్ 2 ADAS), 6 ఎయిర్‌బ్యాగ్‌లు, అడాప్టివ్ క్రూయిజ్ కంట్రోల్ వంటి ఫీచర్లు. ధర ప్రారంభ ఎక్స్-షోరూమ్ ధర రూ.7.47 లక్షలు.

Details

2. మారుతి సుజుకి డిజైర్

మారుతీ సుజుకీ నుంచి వచ్చిన కొత్త తరం డిజైర్ పూర్తి ఆధునిక ఫీచర్లతో ఆకట్టుకుంటోంది. సౌకర్యాలు ఎలక్ట్రిక్ సన్‌రూఫ్, 360-డిగ్రీల కెమెరా, 9-ఇంచ్ డిజిటల్ ఇన్ఫోటైన్‌మెంట్, వైర్‌లెస్ ఛార్జింగ్. భద్రత 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ (ESC), హిల్-హోల్డ్ అసిస్ట్ ప్రామాణికంగా అందుబాటులో ఉన్నాయి. ధర ప్రారంభ ఎక్స్-షోరూమ్ ధర రూ.6.25 లక్షలు.

Details

3. టాటా ఆల్ట్రోజ్

టాటా మోటార్స్ నుంచి వచ్చిన ఈ ప్రీమియం హ్యాచ్‌బ్యాక్ తన దృఢమైన బాడీ స్ట్రక్చర్‌కు ప్రసిద్ధి. సౌకర్యాలు 10.25-ఇంచ్ ఇన్ఫోటైన్‌మెంట్, రెయిన్ సెన్సింగ్ వైపర్లు, ఎలక్ట్రిక్ సన్‌రూఫ్, టచ్-బేస్డ్ ఆటోమేటిక్ క్లైమేట్ కంట్రోల్. భద్రత 6 ఎయిర్‌బ్యాగ్‌లు, టైర్ ప్రెషర్ మానిటరింగ్ సిస్టమ్ (TPMS), హిల్ హోల్డ్ కంట్రోల్ వంటి ఫీచర్లు ప్రయాణాన్ని సురక్షితం చేస్తాయి. ధర ప్రారంభ ఎక్స్-షోరూమ్ ధర రూ.6.30 లక్షలు.

Details

4. హ్యుందాయ్ వెన్యూ

కొత్త తరం వెన్యూ ఫీచర్ల పరంగా ఒక అడుగు ముందే ఉంది. ఇది ఎస్‌యూవీ అనుభూతిని ఇస్తుంది. సౌకర్యాలు 12.3-ఇంచ్ డిజిటల్ డిస్‌ప్లే, వెంట్ిలేటెడ్ సీట్లు (వేసవిలో ఎంతో ఉపయోగకరం), యాంబియంట్ లైటింగ్, పవర్డ్ డ్రైవర్ సీట్. భద్రత లెవల్ 2 ADAS టెక్నాలజీ, బ్లైండ్ స్పాట్ వ్యూ మానిటర్, లేన్ కీపింగ్ అసిస్ట్ వంటి గ్లోబల్ స్టాండర్డ్ ఫీచర్లు. ధర ప్రారంభ ఎక్స్-షోరూమ్ ధర రూ.7.99 లక్షలు

Details

5. కియా సిరోస్

దక్షిణ కొరియా దిగ్గజం కియా నుంచి వచ్చిన ఈ ప్రీమియం సబ్-కాంపాక్ట్ ఎస్‌యూవీ టెక్నాలజీ ప్రియులకు బెస్ట్ ఛాయిస్‌గా నిలుస్తోంది. సౌకర్యాలు ఏకంగా 30-ఇంచ్ డిజిటల్ డిస్‌ప్లే (నావిగేషన్ కోసం), పనోరమిక్ సన్‌రూఫ్ ఆప్షన్లు, వెనుక సీట్లను స్లైడ్, రిక్లైన్ చేసుకునే వెసులుబాటు. భద్రత స్టాప్-అండ్-గో ఫంక్షన్‌తో కూడిన క్రూయిజ్ కంట్రోల్, లెవల్ 2 ADAS, 360-డిగ్రీల కెమెరా. ధర: ప్రారంభ ఎక్స్-షోరూమ్ ధర రూ.8.67 లక్షలు. ఈ ఐదు కార్లు కూడా విభిన్న అవసరాలకు అనుగుణంగా ఉంటాయి. ఎక్కువగా సిటీ డ్రైవింగ్ చేసే వారికి డిజైర్ లేదా అమేజ్ అనుకూలం. పవర్‌ఫుల్ పనితీరు కోరుకునేవారికి వెన్యూ లేదా సైరోస్ మంచి ఎంపిక. భద్రతకు అత్యధిక ప్రాధాన్యత ఇస్తే ఆల్ట్రోజ్ ఉత్తమంగా నిలుస్తుంది.

Details

తరచూ అడిగే ప్రశ్నలు

ప్రశ్న 1: ఈ 5 కార్లలో అత్యధిక సేఫ్టీ రేటింగ్ కలిగిన కారు ఏది? సమాధానం ఈ జాబితాలో టాటా ఆల్ట్రోజ్ భద్రత పరంగా అగ్రస్థానంలో ఉంది. ఇది గ్లోబల్ ఎన్‌సీఏపీ, భారత్ ఎన్‌సీఏపీ పరీక్షల్లో 5-స్టార్ రేటింగ్ సాధించింది. అయితే కొత్త తరం హోండా అమేజ్, మారుతీ డిజైర్ కూడా ఇప్పుడు 6 ఎయిర్‌బ్యాగ్‌లు, లెవల్ 2 ADAS వంటి అధునాతన ఫీచర్లతో కుటుంబానికి మంచి రక్షణను అందిస్తున్నాయి.

Details

ప్రశ్న 2: సిటీ డ్రైవింగ్, ట్రాఫిక్ కోసం ఏ కారు సౌకర్యవంతంగా ఉంటుంది?

సమాధానం: సిటీ ట్రాఫిక్‌లో ప్రయాణించడానికి మారుతీ సుజుకీ డిజైర్, హోండా అమేజ్ సరైన ఎంపికలు. డిజైర్ ఇందులోని AMT గేర్‌బాక్స్, కాంపాక్ట్ సైజు వల్ల ఇరుకైన వీధుల్లో కూడా సులభంగా డ్రైవ్ చేయవచ్చు. అమేజ్ ఇందులో ఉండే CVT (ఆటోమేటిక్) ట్రాన్స్‌మిషన్ చాలా స్మూత్‌గా ఉంటుంది. బంపర్-టు-బంపర్ ట్రాఫిక్‌లో డ్రైవర్‌కు అలసట లేకుండా చేస్తుంది.