Hero VIDA VXZ: 190 కి.మీ రేంజ్‌తో హీరో కొత్త ఈవీ బైక్‌.. VIDA VXZలో సీక్రెట్
ఈ వార్తాకథనం ఏంటి
ఎలక్ట్రిక్‌ స్కూటర్లకే పరిమితమైన హీరో మోటోకార్ప్‌ ఇప్పుడు ఎలక్ట్రిక్‌ మోటార్‌సైకిళ్లపై ఫోకస్‌ పెట్టింది. EICMA 2026లో కంపెనీ ప్రదర్శించిన VIDA Project VXZ ఇందుకు తాజా ఉదాహరణ. ఈ స్పోర్టీ ఎలక్ట్రిక్‌ స్ట్రీట్‌ఫైటర్‌ డిస్‌ప్లేలో 80 శాతం బ్యాటరీతో 150 కి.మీ రేంజ్‌ కనిపించింది. దాన్ని బట్టి పూర్తి ఛార్జ్‌పై సుమారు 188-190 కి.మీ ప్రయాణించే అవకాశం ఉందనే అంచనా మొదలైంది. అయితే బ్యాటరీ సామర్థ్యం, అధికారిక రేంజ్‌, పరీక్షా పరిస్థితులను హీరో ఇంకా వెల్లడించలేదు.
Details
పెట్రోల్‌ ట్యాంక్‌లా కనిపించే చోట ఛార్జింగ్‌ పోర్ట్
VIDA VXZ డిజైన్‌ చూస్తే తొలిచూపులో ఇది సాధారణ పెట్రోల్‌ స్ట్రీట్‌ఫైటర్‌లా అనిపిస్తుంది.
కానీ దాని లోపలే అసలు ట్విస్ట్‌ ఉంది. సాధారణంగా కనిపించే ఫ్యూయల్‌ ట్యాంక్‌ తరహా భాగం కింద ఛార్జింగ్‌ పోర్ట్‌ను దాచారు. EICMA 2026లో తీసిన చిత్రాల్లో ఈ సెటప్‌ స్పష్టంగా కనిపించింది.
బైక్‌కు బెల్ట్‌ డ్రైవ్‌ ఇవ్వడం కూడా ప్రత్యేక ఆకర్షణగా మారింది. మోటార్‌ స్వింగ్‌ఆర్మ్‌ పివట్‌ దగ్గర ఉండి, బెల్ట్‌ ద్వారా వెనుక చక్రానికి శక్తిని పంపుతుంది. అయితే మోటార్‌ పవర్‌, టార్క్‌, బ్యాటరీ వివరాలు ఇంకా బయటకు రాలేదు.
Details
డిజిటల్‌ కాక్‌పిట్‌తో టెక్నాలజీకి పెద్ద పీట
ఈ బైక్‌లో పెద్ద కలర్‌ డిజిటల్‌ డిస్‌ప్లే ఉంది. అందులో బ్యాటరీ సమాచారం, అంచనా రేంజ్‌, పార్కింగ్‌ ఫంక్షన్లు, స్పోర్ట్‌ మోడ్‌, ట్రాక్షన్‌ కంట్రోల్‌, ABS వంటి సూచనలు కనిపిస్తున్నాయి.
హ్యాండిల్‌బార్‌పై ప్రత్యేక మోడ్‌ సెలెక్టర్‌ కూడా ఉంది. అయితే ప్రదర్శన బైక్‌లో కనిపించిన ప్రతి ఫీచర్‌ ఉత్పత్తి మోడల్‌లోనూ ఉంటుందని హీరో చెప్పలేదు.
USD ఫ్రంట్‌ ఫోర్క్స్‌, రియర్‌ మోనోషాక్‌, డిస్క్‌ బ్రేకులు వంటి అంశాలు మాత్రం బైక్‌కు స్పోర్టీ క్యారెక్టర్‌ను ఇస్తున్నాయి.
Details
ధర, లాంచ్‌పై ఇంకా సస్పెన్స్
Project VXZను హీరో తొలిసారి EICMA 2025లో చూపించింది. ఆ తర్వాత డిజైన్‌ రిజిస్ట్రేషన్‌ చిత్రాల్లోనూ కనిపించింది.
ఇప్పుడు 2026 ప్రదర్శనలో మరిన్ని వివరాలు బయటకు వచ్చినా, భారత మార్కెట్‌ లాంచ్‌ తేదీ, ధర, ఉత్పత్తి గడువు మాత్రం ఇంకా ప్రకటించలేదు.
అమెరికాకు చెందిన Zero Motorcyclesతో కలిసి అభివృద్ధి చేస్తున్న ఈ ఎలక్ట్రిక్‌ స్ట్రీట్‌ఫైటర్‌ మార్కెట్లోకి వస్తే హీరోకు ఈవీ మోటార్‌సైకిల్‌ విభాగంలో కొత్త గుర్తింపు తీసుకురావచ్చు.
ముఖ్యంగా దాదాపు 190 కి.మీ రేంజ్‌ నిజమైతే, ఈ బైక్‌పై ఆసక్తి మరింత పెరగడం ఖాయం.