Honda Elevate Facelift: హోండా ఎలివేట్ ఫేస్లిఫ్ట్.. మైలేజ్ వివరాలు ఇవే..
ఈ వార్తాకథనం ఏంటి
ప్రముఖ కార్ల తయారీ సంస్థ హోండా కార్స్ ఇండియా.. ఎలివేట్ ఫేస్‌లిఫ్ట్‌ను భారత మార్కెట్లో విడుదల చేసింది. విడుదల కార్యక్రమం అనంతరం ఈ SUVకి సంబంధించిన ఇంధన సామర్థ్య వివరాలను కంపెనీ వెల్లడించింది. హ్యుందాయ్ క్రెటా,రెనాల్ట్ డస్టర్,నిస్సాన్ టెక్టాన్,మారుతి విక్టోరిస్,టాటా సియెర్రా వంటి మోడళ్లకు పోటీగా నిలిచే ఎలివేట్‌లో 1.5లీటర్ పెట్రోల్ ఇంజిన్‌నే కొనసాగించారు. అయితే మైలేజ్ విషయంలో స్వల్ప మార్పు చోటుచేసుకుంది. హోండా ఎలివేట్ ఫేస్‌లిఫ్ట్‌లో 1.5 లీటర్, నాలుగు సిలిండర్ల న్యాచురల్లీ ఆస్పిరేటెడ్ i-VTEC పెట్రోల్ ఇంజిన్‌ను కొనసాగించారు. ఈ ఇంజిన్ 119 bhp పవర్, 145 Nm టార్క్‌ను ఉత్పత్తి చేస్తుంది. దీనికి 6-స్పీడ్ మాన్యువల్, CVT గేర్‌బాక్స్ ఆప్షన్లు ఉన్నాయి. ఇంజిన్ పనితీరులో ఎలాంటి మార్పు చేయలేదు.
వివరాలు
మైలేజ్‌తో పాటు వేరియంట్లు, ధరల్లోనూ కీలక మార్పులు
మైలేజ్ విషయానికి వస్తే.. మాన్యువల్ వేరియంట్ లీటరుకు 15.31కిలోమీటర్ల మైలేజ్ ఇస్తుందని కంపెనీ పేర్కొంది.
ఇది ప్రస్తుతం ఉన్న మోడల్‌లోని మైలేజ్‌తో సమానమే.అయితే CVT వేరియంట్ మైలేజ్‌లో స్వల్ప తగ్గుదల కనిపించింది.
కొత్త ఎలివేట్ CVT లీటరుకు 16.61 కిలోమీటర్ల మైలేజ్ ఇస్తుంది.
పాత మోడల్‌లో ఇది 16.92కిలోమీటర్లుగా ఉంది. అంటే కొత్త వెర్షన్‌లో 0.31 kmpl మైలేజ్ తగ్గింది.
కొత్త ఎలివేట్‌ను SV, V, VX, ZX, ZX+ అనే ఐదు వేరియంట్లలో అందిస్తున్నారు. ఇందులో కొత్తగా ZX+ వేరియంట్‌ను చేర్చారు.
దీనికి బ్లాక్ ఎడిషన్ కూడా అందుబాటులో ఉంటుంది.
ఎలివేట్ ఫేస్లిఫ్ట్ ప్రారంభ ధరలో ఎలాంటి మార్పు లేదు. అయితే టాప్-ఎండ్ వేరియంట్ ధర మాత్రం రూ.1.94 లక్షలు పెరిగింది.
వివరాలు
డిజైన్‌లో కీలక మార్పులు.. LED లైటింగ్‌కు కొత్త లుక్
డిజైన్ పరంగా ఎలివేట్ ఫేస్‌లిఫ్ట్‌లో ప్రధాన మార్పులు లైటింగ్,ట్రిమ్‌లకు పరిమితమయ్యాయి.
గ్రిల్ పైన కొత్త సెగ్మెంటెడ్ LED DRL స్ట్రిప్‌ను ఇచ్చారు. ఇది మార్పులు లేని LED హెడ్‌ల్యాంప్‌లను కలుపుతుంది.
గ్రిల్‌కు కొత్త మెష్ డిజైన్, గ్లోస్ బ్లాక్ ఫినిష్ ఇచ్చారు. ఫాగ్ ల్యాంప్ హౌసింగ్‌లు ఇప్పుడు బాడీ కలర్‌లో ఉంటాయి.
అలాగే హోండా లోగోను గ్రిల్ నుంచి బానెట్ ముందు భాగానికి మార్చారు. వెనుక భాగంలో కూడా స్వల్ప మార్పులు చేశారు.
టెయిల్ ల్యాంప్‌లను కలుపుతూ కొత్త LED లైట్ బార్‌ను అందించారు. అయితే SUV మొత్తం డిజైన్ మాత్రం గత మోడల్‌కు దగ్గరగానే ఉంటుంది.
అల్లాయ్ వీల్స్‌లో ఎలాంటి మార్పు లేదు. కొత్తగా నార్డిక్ ఫారెస్ట్ పెర్ల్ రంగును అందిస్తున్నారు.
వివరాలు
కొత్త ఫీచర్లు.. మైలేజ్‌లో స్వల్ప మార్పు
ఇది మోనోటోన్, డ్యూయల్ టోన్ ఆప్షన్లలో లభిస్తుంది. అలాగే బాడీ క్లాడింగ్‌కు గతంలో ఉన్న మ్యాట్ ఫినిష్‌కు బదులుగా గ్లోస్ బ్లాక్ ఫినిష్ ఇచ్చారు.
ఇంటీరియర్‌లోనూ కొన్ని కీలక అప్‌గ్రేడ్‌లు చేశారు. వెనుక సీట్లకు వెంటిలేషన్ ఫంక్షన్‌ను అందించడం ఈ సెగ్మెంట్‌లో ప్రత్యేకమైన ఫీచర్‌గా హోండా పేర్కొంది.
ముందు సీట్లకు పవర్డ్, వెంటిలేటెడ్ ఫంక్షన్లను కూడా ఇచ్చారు.
దీంతో పాటు 360 డిగ్రీ కెమెరా, కెపాసిటివ్ టచ్‌తో పనిచేసే వెనుక LED రీడింగ్ ల్యాంప్‌లను జోడించారు.
వివరాలు
కొత్త ఫీచర్లు.. మైలేజ్‌లో స్వల్ప మార్పు
CVT వేరియంట్లలో మాత్రమే ఎలక్ట్రానిక్ పార్కింగ్ బ్రేక్, ఆటో-హోల్డ్ ఫంక్షన్‌ను అందిస్తున్నారు.
మొత్తంగా చూస్తే.. ఎలివేట్ ఫేస్‌లిఫ్ట్‌లో ఇంజిన్, పవర్, టార్క్ విషయంలో మార్పులు లేకపోయినా డిజైన్, ఫీచర్ల పరంగా పలు అప్‌డేట్‌లు వచ్చాయి.
ముఖ్యంగా CVT వేరియంట్ మైలేజ్ స్వల్పంగా తగ్గగా, మాన్యువల్ వేరియంట్ మైలేజ్‌లో ఎలాంటి మార్పు లేదు.