కొన్ని రోడ్లపై వేగంగా వెళ్లాలంటున్న కేంద్ర ప్రభుత్వం
ఈ వార్తాకథనం ఏంటి
రోడ్డు రవాణా రహదారుల మంత్రిత్వ శాఖ(MRTH) జాతీయ రహదారులు, ఎక్స్‌ప్రెస్‌వేలపై వేగ పరిమితులను పెంచాలని ప్రతిపాదించింది. ప్రతిపాదిత స్పీడ్ రివిజన్ భారతదేశ రవాణా మౌలిక సదుపాయాల భద్రతా సామర్థ్యాన్ని మెరుగుపరచడానికి కేంద్ర ప్రభుత్వం చేస్తున్న ప్రయత్నాలలో భాగం.
కొత్త హై-స్పీడ్ మోటార్‌వే ప్రాజెక్టులు భారతదేశ రవాణా నాణ్యతను బాగా మెరుగుపరిచాయి. 2018లో, కేంద్ర ప్రభుత్వం ఒక నోటిఫికేషన్ ద్వారా ఎక్స్‌ప్రెస్‌వేలకు 120కిమీ/గం, జాతీయ రహదారులకు 100 కిమీ/గం వేగ పరిమితిని పెంచింది. అయితే, ఆగస్ట్ 2021లో మద్రాస్ హైకోర్టు భద్రతా సమస్యలను పేర్కొంటూ నోటిఫికేషన్‌ను తిరస్కరించింది.
MRTH గత సంవత్సరం సుప్రీంకోర్టులో ఈ ఉత్తర్వును అప్పీల్ చేసింది. ఇప్పుడు పరిష్కారం కోసం అన్ని రాష్ట్ర ప్రభుత్వాలతో కొత్త నిబంధనలను చర్చించాలని ఆలోచిస్తుంది.
కేంద్రం
రాబోయే ఆర్థిక సంవత్సరంలో హైవే నిర్మాణానికి రోజుకు 60కిమీ లక్ష్యాన్ని MORTH నిర్దేశించుకుంది
న్యూఢిల్లీలో ఈమధ్య జరిగిన జెట్‌వర్క్ స్మార్ట్ మాన్యుఫ్యాక్చరింగ్ సమ్మిట్ 2023లో, హై-స్పీడ్ మొబిలిటీ కోసం ఉద్దేశించిన కొత్త రహదారులపై తక్కువ పరిమితులు ప్రయాణికులకు ఇబ్బందిగా మారాయని గడ్కరీ అన్నారు.
ప్రతిపాదిత వేగ పరిమితులను మంత్రిత్వ శాఖ ఇంకా వెల్లడించనప్పటికీ, కొత్త నిబంధనలు యాక్సెస్ కంట్రోల్ హైవేలు, 8-లేన్, 6-లేన్, 4-లేన్,2-లేన్ హైవేలతో సహా వివిధ రకాల మోటర్‌వేలకు వర్తిస్తాయి.
MORTH రాబోయే ఆర్థిక సంవత్సరంలో హైవే నిర్మాణానికి రోజుకు 60కిమీ లక్ష్యాన్ని నిర్దేశించుకుంది. అయితే, భారతదేశంలో కోవిడ్-19 ప్రభావం, మిగతా సమస్యలను దృష్టిలో ఉంచుకుని, ప్రస్తుత ఆర్థిక సంవత్సరంలో రోజుకు 40 కి.మీ హైవే నిర్మాణాన్ని సాధించాలని కేంద్రం భావిస్తోందని గడ్కరీ తెలిపారు.