Lexus ES 500e EV: భారత మార్కెట్లో లెక్సస్ ES 500e ఎలక్ట్రిక్ సెడాన్ విడుదల.. ధర రూ.89.99లక్షలు,580 కి.మీ రేంజ్
ఈ వార్తాకథనం ఏంటి
జపాన్కు చెందిన లగ్జరీ కార్ తయారీ సంస్థ లెక్సస్ భారత మార్కెట్లో తన ఎనిమిదో తరం ES సెడాన్ను విడుదల చేసింది. ఈ ఎలక్ట్రిక్ సెడాన్ ప్రారంభ ధర రూ. 89.99 లక్షలు (ఎక్స్షోరూమ్)గా నిర్ణయించింది. బ్రాండ్కు చెందిన TNGA-K ప్లాట్ఫామ్పై రూపొందిన ఈ మోడల్, దేశంలో లెక్సస్ తొలి బ్యాటరీ ఎలక్ట్రిక్ వాహనం (BEV)గా నిలిచింది. అంతర్జాతీయ మార్కెట్లో ఈ కారు హైబ్రిడ్ పవర్ట్రైన్తో కూడా లభిస్తోంది. భారతదేశంలో దీన్ని CKD రూపంలో విక్రయించనున్నారు.
వివరాలు
Lexus ES 500e: డిజైన్
కొత్త ES మోడల్ పాత వెర్షన్తో పోలిస్తే మరింత ఆకర్షణీయమైన అంగులర్ డిజైన్తో కనిపిస్తోంది. ముందు భాగంలో Zఆకారంలో ఉన్న డే టైమ్ రన్నింగ్ లైట్స్ టర్న్ సిగ్నల్స్తో కలిపి అందంగా అమర్చారు. ప్రధాన హెడ్లైట్స్ను గ్లాస్ బ్లాక్ ట్రిమ్ వెనుక స్మార్ట్గా దాచారు.సంప్రదాయ గ్రిల్ స్థానంలో బంపర్ దిగువ భాగంలో చిన్న ఎయిర్ ఇంటేక్ను ఏర్పాటు చేసి,డైమండ్ ప్యాటర్న్ డిజైన్తో ప్రత్యేకంగా తీర్చిదిద్దారు. సైడ్ ప్రొఫైల్లో బాడీ వెంట వచ్చే షార్ప్ లైన్స్,గ్లాస్ బ్లాక్ ఎలిమెంట్స్,కొత్త అలాయ్ వీల్స్ కారుకు స్పోర్టీ లుక్ ఇస్తాయి. వెనుక భాగంలో సన్నని LED లైట్ బార్తో పాటు"LEXUS"లెటరింగ్ లైటింగ్ ఆకర్షణగా నిలుస్తుంది. అదనంగా L ఆకారంలోని క్రోమ్ ఫినిష్ డిజైన్ లగ్జరీ ఫీల్ను పెంచుతుంది.
వివరాలు
Lexus ES 500e: ఇంటీరియర్
ఈ కొత్త ES ఇంటీరియర్ను "Clean Tech x Elegance" థీమ్తో రూపొందించారు. లోపలి భాగంలో తక్కువ ఎత్తులో ఉన్న విండో సిల్స్, స్లిమ్ సీట్లు, పెద్ద పానోరమిక్ గ్లాస్ రూఫ్ ప్రత్యేక ఆకర్షణలు. చేతిని దగ్గర పెట్టగానే వెలిగే సెన్సార్ ఆధారిత కంట్రోల్స్ కూడా అందించారు. డోర్ ప్యాడ్స్లోని స్పీకర్ గ్రిల్కు మ్యూజిక్కు అనుగుణంగా వెలిగే LED లైటింగ్ ఉంది. డ్యాష్బోర్డ్పై 12.3అంగుళాల డిజిటల్ డ్రైవర్ డిస్ప్లే,14అంగుళాల ఇన్ఫోటైన్మెంట్ స్క్రీన్తో డ్యూయల్ స్క్రీన్ సెటప్ ఇచ్చారు. సింథటిక్ లెదర్,సూడ్ మెటీరియల్స్తో రూపొందిన ఈ కారు రెండు ప్రత్యేక కలర్ ఆప్షన్లలో అందుబాటులో ఉంటుంది. క్యాబిన్లో శబ్దం,వైబ్రేషన్ తగ్గించే(NVH)మెటీరియల్స్ను మెరుగుపరిచినట్లు కంపెనీ చెబుతోంది. స్టీరింగ్ వీల్పై ఇప్పుడు లోగో స్థానంలో'Lexus'అనే పదం కనిపిస్తుంది.
వివరాలు
Lexus ES 500e: ఫీచర్లు
2026 లెక్సస్ ESలో పవర్ అడ్జస్టబుల్ ఫ్రంట్ సీట్లు, టెంపరేచర్ కంట్రోల్, మెమరీ ఫంక్షన్ వంటి ఫీచర్లు ఉన్నాయి. వెనుక సీట్లకు మసాజ్ ఫంక్షన్, హెడ్-అప్ డిస్ప్లే, మల్టీ కలర్ అంబియెంట్ లైటింగ్, పవర్ ట్రంక్ వంటి సౌకర్యాలు కల్పించారు. భద్రత పరంగా రాడార్ ఆధారిత క్రూయిజ్ కంట్రోల్, లేన్ చేంజ్ అసిస్టు, ఢీకొనడం నివారించే సిస్టమ్, బ్లైండ్ స్పాట్ మానిటరింగ్, అడాప్టివ్ హై బీమ్, డ్రైవర్ అలసట గుర్తించే వ్యవస్థ ఉన్నాయి. అదనంగా 10 ఎయిర్బ్యాగ్స్, 360 డిగ్రీ కెమెరా, ఎలక్ట్రానిక్ పార్కింగ్ బ్రేక్, హిల్ హోల్డ్ అసిస్టు, ఎలక్ట్రానిక్ స్టెబిలిటీ కంట్రోల్, పార్కింగ్ సెన్సర్లు అందించారు.
వివరాలు
Lexus ES 500e: రేంజ్, పవర్ట్రైన్
లెక్సస్ ES 500eలో 74.69 kWh బ్యాటరీ ప్యాక్ ఉంది. ఇది డ్యూయల్ ఎలక్ట్రిక్ మోటార్ సెటప్తో పనిచేస్తూ 338 హార్స్పవర్ శక్తిని ఉత్పత్తి చేస్తుంది. ఈ శక్తితో కారు 0 నుంచి 100 కి.మీ వేగాన్ని కేవలం 5.7 సెకన్లలో అందుకుంటుంది. ఒకసారి ఛార్జ్ చేస్తే 580 కి.మీ వరకు ప్రయాణించగలదని కంపెనీ చెబుతోంది. భవిష్యత్తులో హైబ్రిడ్ వేరియంట్ను కూడా భారత మార్కెట్లో విడుదల చేయనున్నట్లు లెక్సస్ ప్రకటించింది.