Mini Cooper S Convertible JCW Pack:ఇండియాలో మినీ కూపర్ S కన్వర్టిబుల్ JCW ప్యాక్ లాంచ్.. ధర ₹61.50 లక్షలు
ఈ వార్తాకథనం ఏంటి
భారత మార్కెట్లో Mini India కొత్తగా మినీ కూపర్ S కన్వర్టిబుల్ JCW(John Cooper Works) ప్యాక్ను విడుదల చేసింది. ఓపెన్టాప్ డిజైన్తో వచ్చిన ఈ లిమిటెడ్ ఎడిషన్ కారు పూర్తిగా తయారైన యూనిట్ (CBU)రూపంలో అందుబాటులోకి వచ్చింది. దీని ఎక్స్షోరూమ్ ధర ₹61.50 లక్షలు. సాధారణ Cooper S కన్వర్టిబుల్ కంటే ఇది ₹2.50 లక్షలు ఎక్కువ ధరతో వస్తోంది. ముఖ్యంగా స్పోర్టీ లుక్ కోరుకునే కార్ లవర్స్ కోసం ఈ మోడల్ను తీసుకొచ్చారు. ఈ JCW ప్యాక్లో మెకానికల్గా పెద్ద మార్పులు లేకపోయినా, డిజైన్ మరియు ఇంటీరియర్లో స్పెషల్ ఫీచర్లు ఇచ్చారు. సిగ్నేచర్ సాఫ్ట్టాప్ రూఫ్ 18 సెకన్లలో ఓపెన్ అవుతుంది, 30 కిమీ వేగంలో కూడా పని చేస్తుంది.
వివరాలు
2.0 లీటర్ టర్బో పెట్రోల్ ఇంజిన్
మిడ్నైట్ బ్లాక్, లెజెండ్ గ్రే అనే రెండు ప్రత్యేక రంగుల్లో ఇది అందుబాటులో ఉంది. గ్లోస్ బ్లాక్ ఫినిష్తో గ్రిల్, మిర్రర్స్, డోర్ హ్యాండిల్స్, బంపర్లు ఆకట్టుకుంటాయి. కొత్త 17 అంగుళాల JCW వీల్స్, స్పోర్ట్ బ్రేక్స్ కూడా ఉన్నాయి. ఇంటీరియర్లో స్పోర్టీ ఫీలింగ్ ఇచ్చేలా ప్రత్యేక సీట్లు,JCW స్టీరింగ్ వీల్, ప్యాడిల్ షిఫ్టర్లు ఉన్నాయి. 9.4 అంగుళాల OLED టచ్స్క్రీన్తో మినీ ఆపరేటింగ్ వ్యవస్థ 9 పనిచేస్తుంది. ఇంజిన్ విషయానికి వస్తే, 2.0 లీటర్ టర్బో పెట్రోల్ ఇంజిన్తో 204 హార్స్పవర్, 300 Nm టార్క్ ఇస్తుంది. మినీకి ప్రత్యేకమైన గో-కార్ట్ లాంటి డ్రైవింగ్ అనుభూతిని ఇది కొనసాగిస్తుంది. ఏప్రిల్ 14 నుంచి బుకింగ్స్ ప్రారంభమయ్యాయి, ఇప్పటికే డెలివరీలు కూడా మొదలయ్యాయి.