Mukesh Ambani: ముఖేష్ అంబానీ కొత్త కారు.. ధర తెలిస్తే నోరెళ్లబెట్టాల్సిందే!
రిలయెన్స్ ఇండస్ట్రీస్ ఛైర్మన్, మేనేజింగ్ డైరక్టర్ ముకేష్ అంబానీ గురించి ప్రత్యేకంగా చెప్పాల్సిన అవసరం లేదు. అత్యంత విలాసవంతమైన జీవితాన్ని గడపడటంతో ఆయనకు ఆయనే సాటి. ఇక ఆయన సెక్యూరిటీ గురించి ఎంత చెప్పినా తక్కువే. అతని సెక్యూరిటీ కూడా అత్యంత ఖరీదైన సేఫెస్ట్ కార్లను వినియోగిస్తుండడం గమనార్హం. ఇప్పటికే ముఖేష్ అంబానీ కట్టుదిట్టమైన భద్రత కలిగిన బుల్లెట్ ప్రూఫ్ కారును వినియోగిస్తారు. దీనికి సంబంధించిన వార్తలు గతంలో చాలానే వచ్చాయి. తాజాగా ఓ కొత్త జర్మన్ లగ్జరీ కారును కొనుగోలు చేసి మరోసారి వార్తల్లో నిలిచాడు. అంబానీ ఇటీవలే కొత్త Mercedes-Benz S680ని కొనుగోలు చేశారు. ఇది వారి గ్యారేజీలో చేరిన 7వ బుల్లెట్ ప్రూఫ్ మెర్సిడెస్ ప్లాగ్ షిప్ సెడాన్
కారు ధర అక్షరాల రూ. 10 కోట్లు
ముఖేష్ అంబానీ 7వ మెర్సిడెస్ బెంజ్ ఎస్680 గార్డ్ ఫోటోలను క్రేజీ ఇండియా ఇన్ స్టాగ్రామ్ పేజీలో షేర్ చేశారు. ఈ కొత్త సూపర్ సెక్యూర్ ఫ్లాగ్ షిప్ సెడాన్ ప్రస్తుతం అత్యంత ఖరీదైన S- క్లాస్ మోడల్ అని చెబుతున్నారు. ఈ వాహనం పేలుడును కూడా తట్టుకొనే శక్తి ఉంటుంది. ఈ సెడాన్ లోని అద్దాలు సగటున 3.5 నుండి 4 అంగుళాల వరకూ ఉంటారు. ఇక ఈ కారు ధర ఏకంగా 10 కోట్లు. ఈ వెహికల్ 612 హెచ్‌పీ శక్తిని, 830 ఎన్ఎం టార్క్ ను ఉత్పత్తి చేసే భారీ V12 ఇంజిన్‌ను కలిగి ఉంది.
