Porsche: బ్రిటన్‌ పోర్షేకు 75 ఏళ్లు... 911 GT3 లిమిటెడ్‌ ఎడిషన్‌ రిలీజ్
ఈ వార్తాకథనం ఏంటి
బ్రిటన్‌లో పోర్షే 75 ఏళ్ల ప్రస్థానాన్ని గుర్తు చేసుకుంటూ ప్రత్యేక 911 GT3 లిమిటెడ్‌ ఎడిషన్‌ను ఆవిష్కరించింది. 'టూరింగ్‌ ఎర్ల్స్‌ కోర్ట్‌ 51' (Touring "Earls Court 51" Edition) పేరుతో తీసుకొచ్చిన ఈ స్పోర్ట్స్‌ కారు, క్లాసిక్‌ డిజైన్‌తో పాటు శక్తివంతమైన పనితీరును అందిస్తోంది. బ్రిటన్‌ మార్కెట్‌లో కేవలం 51 కార్లను మాత్రమే విక్రయించనుండటంతో ఇది కలెక్టర్లకు ప్రత్యేక ఆకర్షణగా మారనుంది.
Details
స్పెషల్‌ ఎడిషన్‌ ప్రత్యేకత
ఈ ప్రత్యేక ఎడిషన్‌ సాధారణ 911 GT3 ఆధారంగా రూపొందించారు. అయితే, వెనుక భాగంలో ఉండే స్థిరమైన వింగ్‌ను తొలగించి మరింత సింపుల్‌, ఆకర్షణీయమైన రూపాన్ని ఇచ్చారు.
ఇంజిన్‌ పనితీరులో మాత్రం మార్పులు చేయలేదు. సాధారణ GT3 మాదిరిగానే ఇది 502 హార్స్‌పవర్‌ (hp) శక్తిని ఉత్పత్తి చేస్తుంది.
అంటే, ప్రత్యేక రూపంతో పాటు అదే స్థాయి డ్రైవింగ్‌ సామర్థ్యాన్ని కూడా అందిస్తుంది.
Details
1951 కారే స్పూర్తి
ఈ కారు ప్రత్యేకత దాని రంగు, ఇంటీరియర్‌లోనూ కనిపిస్తుంది. 1951లో లండన్‌లో ప్రదర్శించిన పోర్షే 356 కారును స్ఫూర్తిగా తీసుకుని 'ఎర్ల్స్‌ కోర్ట్‌ గ్రీన్‌ మెటాలిక్‌' రంగును రూపొందించారు.
లోపల నైట్‌ గ్రీన్‌, చాక్‌ బీజ్‌ రంగుల్లో కార్డురాయ్‌, లెదర్‌ మెటీరియల్స్‌ను కలిపి ఉపయోగించారు.
సాధారణ స్పోర్ట్స్‌ కార్లలో కనిపించే మెటీరియల్స్‌కు భిన్నంగా ఈ కారు క్యాబిన్‌కు ప్రత్యేకమైన క్లాసిక్‌ లుక్‌ ఇచ్చారు.
Details
అదిరిపోయిన ఇంటీరియర్
ఇంటీరియర్ ట్రిమ్‌పై పోర్షే 356 కారు ఆకృతిని ఎంబాస్‌ చేశారు. 'డ్రైవింగ్‌ ఇన్‌ ఇట్స్‌ ప్యూరెస్ట్‌ ఫామ్‌' అనే సందేశం కూడా ఇందులో కనిపిస్తుంది.
సంస్థ చరిత్రను గుర్తు చేసేలా ఈ వివరాలను రూపొందించారు. ఈ ప్రత్యేక ఎడిషన్‌ ధర బ్రిటన్‌లో £251,951గా నిర్ణయించారు.
పరిమితంగా 51 యూనిట్లు మాత్రమే తయారు చేయనుండటంతో, ఇది అరుదైన కలెక్షన్‌ కారుగా నిలిచే అవకాశం ఉంది.
ఇదే సమయంలో పోర్షే బ్రిటన్‌లో తన కార్యకలాపాలను విస్తరిస్తోంది. కొత్త విడిభాగాల గిడ్డంగి ఏర్పాటుతో పాటు, రీడింగ్‌ ప్రధాన కార్యాలయంలో సుమారు 200 మంది అప్రెంటిస్‌లకు శిక్షణ ఇచ్చే కార్యక్రమాన్ని చేపడుతోంది.
ప్రత్యేక కార్ల తయారీతో పాటు ఆటోమొబైల్‌ రంగానికి అవసరమైన నైపుణ్యాల అభివృద్ధిపైనా సంస్థ దృష్టి పెట్టింది.