Toyota: ప్రీమియం హైబ్రిడ్ సెడాన్.. క్యామ్రీ స్ప్రింట్ ఎడిషన్ ధర, పనితీరు, మైలేజ్ వివరాలివే!
ఈ వార్తాకథనం ఏంటి
టయోటా తన ప్రీమియం సెడాన్ లైన్లో కొత్త వేరియంట్గా టయోటా కామ్రీ స్ప్రింట్ ఎడిషన్ను భారత మార్కెట్లో ప్రవేశపెట్టింది. రూ.47,48,200 (ఎక్స్-షోరూమ్) ధరతో వచ్చిన ఈ మోడల్ కేవలం ఆటోమేటిక్ ట్రాన్స్మిషన్తోనే అందుబాటులో ఉంది. లగ్జరీ, పనితీరు, స్పోర్టీ లుక్—మొత్తంగా అనుభూతిని కోరుకునే వినియోగదారులను లక్ష్యంగా చేసుకుని ఈ ఎడిషన్ను విడుదల చేసింది.
వివరాలు
శక్తివంతమైన హైబ్రిడ్ ఇంజిన్
క్యామ్రీ స్ప్రింట్ ఎడిషన్లో 2.5 లీటర్ పెట్రోల్ ఇంజిన్తో పాటు ఎలక్ట్రిక్ మోటార్ కలిపి హైబ్రిడ్ సిస్టమ్ను అందించారు. ఇవి కలిపి సుమారు 230 హార్స్పవర్ శక్తిని ఉత్పత్తి చేస్తాయి. e-CVT ఆటోమేటిక్ గేర్బాక్స్తో ఫ్రంట్ వీల్స్కు పవర్ అందుతుంది. పర్ఫార్మెన్స్ పరంగా బలంగా ఉన్నప్పటికీ, ఇది లీటరుకు 25.49 కిలోమీటర్ల మైలేజ్ ఇవ్వడం విశేషం. 0 నుంచి 100 కిమీ వేగాన్ని సుమారు 7.2 సెకన్లలో అందుకోవడం దీని వేగాన్ని కూడా సూచిస్తుంది.
వివరాలు
స్పోర్టీ డిజైన్ ప్రధాన ఆకర్షణ
ఈ ఎడిషన్లో ప్రధానంగా స్పోర్టీ స్టైలింగ్పై దృష్టి పెట్టారు. ప్రత్యేక "స్పోర్ట్స్ కిట్"లో భాగంగా కొత్త ఫ్రంట్, రియర్ బాడీ కిట్స్ అందించారు. మ్యాట్ బ్లాక్ స్పాయిలర్, మ్యాట్ బ్లాక్ అలాయ్ వీల్స్, బ్లాక్ రూఫ్, బోనెట్, బూట్తో డ్యూయల్ టోన్ డిజైన్ ఈ కారుకు మరింత అగ్రెసివ్ లుక్ ఇస్తుంది. స్టాండర్డ్ మోడల్తో పోలిస్తే ఇది రోడ్డుపై మరింత ఆకర్షణీయంగా కనిపిస్తుంది.
వివరాలు
ప్రీమియం ఇంటీరియర్ ఫీచర్లు
కార్ ఇంటీరియర్లో కూడా లగ్జరీ అనుభూతి కొనసాగుతుంది. బ్లాక్, టాన్ బ్రౌన్ కలర్ అప్హోల్స్టరీతో పాటు లెదరెట్ సీట్లు అందించారు. ముందు సీట్లు 10-వే పవర్ అడ్జస్టబుల్, మెమరీ ఫంక్షన్, వెంటిలేషన్ సదుపాయాలతో వస్తాయి. ఇంకా రెండు 12.3 అంగుళాల డిస్ప్లేలు (ఇన్ఫోటైన్మెంట్, డ్రైవర్ డిస్ప్లే) వైర్లెస్ Apple CarPlay, Android Auto JBL సౌండ్ సిస్టమ్ వైర్లెస్ ఛార్జర్ అదనంగా అంబియంట్ లైటింగ్, ప్యాడిల్ షిఫ్టర్లు, హెడ్-అప్ డిస్ప్లే వంటి ఫీచర్లు డ్రైవింగ్ అనుభూతిని మెరుగుపరుస్తాయి.
వివరాలు
భద్రతలో అధునాతన టెక్నాలజీ
భద్రత పరంగా ఈ మోడల్లో టయోటా సేఫ్టీ సెన్స్ సిస్టమ్ను అందించారు. ఇందులో లేన్ డిపార్చర్ అలర్ట్ అడాప్టివ్ క్రూయిజ్ కంట్రోల్ ప్రీ-కోలిజన్ వార్నింగ్ అదనంగా 9 ఎయిర్బ్యాగ్స్, స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్ వంటి ఫీచర్లు ఉన్నాయి. హైబ్రిడ్ బ్యాటరీపై 8 సంవత్సరాలు లేదా 1.6 లక్షల కిలోమీటర్ల వారంటీ కూడా అందిస్తున్నారు.
వివరాలు
ఎవరికీ సరైన ఎంపిక?
ప్రీమియం సెడాన్లో లగ్జరీతో పాటు మంచి మైలేజ్, స్పోర్టీ లుక్ కోరుకునే వారికి క్యామ్రీ స్ప్రింట్ ఎడిషన్ సరైన ఎంపిక. నగర ప్రయాణాలు, హైవే డ్రైవ్లు రెండింటికీ అనుకూలంగా ఉంటుంది. మొత్తంగా క్యామ్రీ స్ప్రింట్ ఎడిషన్ పూర్తిగా కొత్త కారు కాకపోయినా, ఇప్పటికే మంచి పేరున్న మోడల్కు కొత్త వ్యక్తిత్వాన్ని ఇచ్చింది. ప్రీమియం హైబ్రిడ్ సెడాన్ కోసం చూస్తున్న వారికి ఇది బలమైన ఆప్షన్గా నిలుస్తోంది.