Royal Enfield Guerrilla 450: షాడో యాష్ ఎడిషన్ వచ్చేసింది.. Guerrilla 450 కొత్త కలర్‌తో మాస్ ఎంట్రీ!
ఈ వార్తాకథనం ఏంటి
రాయల్ ఎన్‌ఫీల్డ్ తన Guerrilla 450 మోడల్‌లో కొత్త కలర్ ఆప్షన్‌ను జోడించింది. ఇప్పటికే ఉన్న కలర్స్‌తో పాటు 'షాడో యాష్' (Shadow Ash) పేరుతో ఈ కొత్త పెయింట్ స్కీమ్‌ను తీసుకొచ్చింది. పుణెలో జరిగిన GRRR Nights X Underground ఈవెంట్‌లో, టపాస్వి రేసింగ్ భాగస్వామ్యంతో దీన్ని అధికారికంగా లాంచ్ చేశారు. ఈ కొత్త డ్యూయల్ టోన్ వేరియంట్ ధరను కంపెనీ రూ. 2.49 లక్షలు (ఎక్స్‌-షోరూం)గా నిర్ణయించింది. ఇది Guerrilla 450 లోని డాష్, ట్రిప్పర్ డాష్ వేరియంట్లలో అందుబాటులో ఉండనుంది. ఈ కొత్త కలర్ స్కీమ్‌లో ఆలివ్ గ్రీన్ ట్యాంక్‌కు తోడు బ్లాక్ డీటైలింగ్ ఇచ్చారు. దీని వల్ల బైక్ మరింత మస్క్యులర్ లుక్‌తో కనిపిస్తుందని కంపెనీ తెలిపింది.
Details
సిల్వర్ వంటి కలర్ లో కూడా లభ్యం
కొత్త షాడో యాష్‌తో పాటు ఈ బైక్ ప్రస్తుతం బ్రావా బ్లూ, యెల్లో రిబ్బన్, గోల్డ్ డిప్, ప్లాయా బ్లాక్, పెయిక్స్ బ్రోంజ్, స్మోక్ సిల్వర్ వంటి కలర్ ఆప్షన్లలో కూడా లభిస్తోంది. ధరల విషయానికి వస్తే, Guerrilla 450 బేస్ మోడల్ ఇప్పటికీ రూ. 2.39 లక్షలు (ఎక్స్‌-షోరూం) నుంచి ప్రారంభమవుతోంది. అయితే ఇందులో ఎటువంటి మెకానికల్ మార్పులు చేయలేదు. ఇంజిన్ విషయానికి వస్తే, ఇంతకు ముందు వాడినట్టే 452 సీసీ లిక్విడ్-కూల్డ్ 'షెర్పా 450' ఇంజిన్‌నే ఉపయోగించారు. ఇదే ఇంజిన్ హిమాలయన్ మోడల్‌లో కూడా అందుబాటులో ఉంది.
Details
రైడింగ్ స్టైల్‌కి తగినట్లుగా డిజైన్
Guerrilla 450లో ఇది 40 hp పవర్‌ను 8,000 rpm వద్ద, అలాగే 40 Nm టార్క్‌ను 5,500 rpm వద్ద ఉత్పత్తి చేస్తుంది. గేర్‌బాక్స్ ట్యూనింగ్‌ను మాత్రం Guerrilla రైడింగ్ స్టైల్‌కి తగినట్లు ప్రత్యేకంగా సెట్ చేశారు. సస్పెన్షన్‌లో ముందుకు 43 mm టెలిస్కోపిక్ ఫోర్క్‌లు (140 mm ట్రావెల్), వెనుకకు మోనో-షాక్ (150 mm ట్రావెల్) అందించారు. బ్రేకింగ్ సెటప్‌లో ముందుకు 310 mm డిస్క్‌తో డబుల్ పిస్టన్ కాలిపర్, వెనుకకు 270 mm సింగిల్ డిస్క్‌తో సింగిల్ పిస్టన్ కాలిపర్ లభిస్తుంది. భద్రత కోసం డ్యుయల్ ఛానల్ ABSను అందించారు.