Nissan Tekton: జూలై 9న ఎంట్రీకి సిద్ధమైన నిస్సాన్ టెక్టన్..టాటా సియెర్రా, క్రెటాకు సవాల్
ఈ వార్తాకథనం ఏంటి
నిస్సాన్ తన రానున్న నిస్సాన్ టెక్టన్ ఎస్యూవీకి సంబంధించిన మరో కొత్త టీజర్ను విడుదల చేసింది. ఈ ఎస్యూవీ అధికారికంగా జూలై 9, 2026న ప్రపంచానికి పరిచయం కానుంది. భారత మార్కెట్కు అత్యంత కీలకమైన మోడళ్లలో నిస్సాన్ టెక్టన్ ఒకటిగా కంపెనీ భావిస్తోంది. ఈ ఎస్యూవీ మార్కెట్లో టాటా సియెర్రా, హ్యుందాయ్ క్రెటా, కియా సెల్టోస్, ఫోక్స్వ్యాగన్ టైగున్, స్కోడా కుషాక్ వంటి మిడ్సైజ్ ఎస్యూవీలకు గట్టి పోటీ ఇవ్వనుంది. ఆసక్తికరంగా, నిస్సాన్ ఈ మోడల్ను 'బేబీ పట్రోల్' అని పేర్కొంది. కంపెనీ ఫ్లాగ్షిప్ ఎస్యూవీ నిస్సాన్ పట్రోల్ నుంచి దీని డిజైన్కు ప్రేరణ లభించిందనే సంకేతాన్ని ఇది ఇస్తోంది.
వివరాలు
బేబీ పట్రోల్ అనే పేరు ఎందుకొచ్చిందంటే?
తాజా టీజర్లో నిస్సాన్ టెక్టన్ బాహ్య డిజైన్కు సంబంధించిన మరిన్ని వివరాలు వెల్లడయ్యాయి. ముందు భాగంలో ఆకర్షణీయమైన గ్రిల్తో పాటు దానిపై ఎరుపు రంగులో ప్రత్యేకమైన హారిజాంటల్ స్ట్రిప్ను ఏర్పాటు చేశారు. గ్రిల్ మధ్యలో ప్రకాశించే నిస్సాన్ లోగో ఉండటంతో ఎస్యూవీకి ప్రీమియం లుక్ వచ్చింది. ఈ ఎస్యూవీలో ఫుల్-విడ్త్ ఎల్ఈడీ డే టైమ్ రన్నింగ్ లైట్లు, ఎల్ ఆకారంలోని ఎల్ఈడీ లైటింగ్ ఎలిమెంట్లు, స్లీక్ హెడ్ల్యాంప్లు ఉన్నాయి. అలాగే బలంగా కనిపించే బానెట్ లైన్లు, బానెట్పై పెద్ద అక్షరాల్లో "TEKTON" బ్యాడ్జింగ్ కూడా టీజర్లో కనిపించింది. పట్రోల్ ఎస్యూవీ నుంచి అనేక డిజైన్ అంశాలను తీసుకున్నామని నిస్సాన్ వెల్లడించింది. అందుకే దీనికి 'బేబీ పట్రోల్' అనే పేరు పెట్టినట్లు తెలుస్తోంది.
వివరాలు
అద్భుతమైన డిజైన్..
ఇప్పటికే విడుదలైన గత టీజర్ల ద్వారా నిస్సాన్ టెక్టన్ బాక్సీ స్టాన్స్, రగ్గడ్ డిజైన్తో రానున్నట్లు స్పష్టమైంది. రూఫ్ రైల్స్, భారీ స్కిడ్ ప్లేట్లు, మల్టీ-స్పోక్ అలాయ్ వీల్స్, చతురస్రాకార వీల్ ఆర్చ్లు, కనెక్టెడ్ ఎల్ఈడీ టెయిల్ల్యాంప్లు వంటి డిజైన్ హైలైట్స్ కూడా ఇందులో ఉండే అవకాశం ఉంది. క్యాబిన్ విషయానికి వస్తే, నిస్సాన్ టెక్టన్లో ఫీచర్లతో నిండిన ఇంటీరియర్ను అందించే అవకాశం ఉంది. భారీ టచ్స్క్రీన్ ఇన్ఫోటైన్మెంట్ సిస్టమ్, పూర్తిగా డిజిటల్ ఇన్స్ట్రుమెంట్ క్లస్టర్, వెంటిలేటెడ్ ఫ్రంట్ సీట్లు, పనోరమిక్ సన్రూఫ్, డ్యూయల్-జోన్ క్లైమేట్ కంట్రోల్, 360 డిగ్రీ కెమెరా వంటి ఫీచర్లు ఇందులో ఉండొచ్చని నివేదికలు చెబుతున్నాయి.
వివరాలు
అదరగొట్టే ఫీచర్లు..
నిస్సాన్ టెక్టన్ తాజా రెనాల్ట్ డస్టర్ ప్లాట్ఫామ్పై రూపొందనుందని సమాచారం. ఇంజిన్ ఎంపికల్లో 1.0 లీటర్ టర్బో పెట్రోల్, మరింత శక్తివంతమైన 1.3 లీటర్ టర్బో పెట్రోల్ ఇంజిన్లు అందుబాటులోకి రావచ్చు. తర్వాత దశలో 1.8 లీటర్ హైబ్రిడ్ పవర్ట్రెయిన్ను కూడా ప్రవేశపెట్టే అవకాశం ఉంది. ట్రాన్స్మిషన్ ఎంపికల్లో 6-స్పీడ్ మాన్యువల్ గేర్బాక్స్తో పాటు ఆటోమేటిక్, డ్యూయల్-క్లచ్ ఆటోమేటిక్ గేర్బాక్స్ ఆప్షన్లు కూడా వేరియంట్ను బట్టి అందుబాటులో ఉండే అవకాశం ఉంది. మరో కొన్ని వారాల్లో అధికారికంగా తెరపైకి రానున్న నిస్సాన్ టెక్టన్, భారత మిడ్సైజ్ ఎస్యూవీ విభాగంలో కొత్త పోటీదారుగా నిలవనుందని అంచనాలు ఉన్నాయి. దీని ప్రారంభ ఎక్స్షోరూమ్ ధర సుమారు రూ.10 లక్షల నుంచి ఉండే అవకాశం ఉందని భావిస్తున్నారు.