Honda City : కొత్త హోండా సిటీ ఫేస్లిఫ్ట్ వచ్చేసింది.. ఏ వేరియంట్లో ఏ ఫీచర్లు?
ఈ వార్తాకథనం ఏంటి
భారత సెడాన్ మార్కెట్లో అత్యంత ప్రజాదరణ పొందుతున్న హోండా సిటీకి హోండా తాజాగా ఫేస్లిఫ్ట్ వెర్షన్ను పరిచయం చేసింది. అడ్వాన్స్డ్ డ్రైవర్ అసిస్టెన్స్ సిస్టమ్ (ADAS), పెద్ద టచ్స్క్రీన్లు, వెంటిలేటెడ్ సీట్లు వంటి ప్రీమియం ఫీచర్లతో ఈ కొత్త మోడల్ను అప్డేట్ చేసింది. 2026 హోండా సిటీ ఫేస్లిఫ్ట్ ప్రారంభ ధర రూ.12 లక్షలు (ఎక్స్షోరూమ్) కాగా.. ఇది ఎస్వీ, వీ, జెడ్ఎక్స్, జెడ్ఎక్స్+ అనే నాలుగు ట్రిమ్లలో అందుబాటులో ఉంది.
వివరాలు
1. ఎస్వీ వేరియంట్ (బేస్ మోడల్) - ధర: రూ.12 లక్షలు
ఇది ఎంట్రీ లెవెల్ వేరియంట్ అయినప్పటికీ అవసరమైన అన్ని ప్రాథమిక ఫీచర్లను హోండా అందించింది. ముఖ్య ఫీచర్లు బయో-ఎల్ఈడీ ప్రొజెక్టర్ హెడ్ల్యాంప్స్ 8-ఇంచ్ టచ్స్క్రీన్ ఇన్ఫోటైన్మెంట్ సిస్టమ్ వైర్డ్ ఆండ్రాయిడ్ ఆటో, యాపిల్ కార్ప్లే ఆటోమేటిక్ క్లైమేట్ కంట్రోల్ రివర్స్ పార్కింగ్ కెమెరా సేఫ్టీ ఫీచర్లు 6 ఎయిర్బ్యాగ్లు ఈఎస్సీ ట్రాక్షన్ కంట్రోల్ హిల్-స్టార్ట్ అసిస్ట్ టీపీఎంఎస్ తక్కువ బడ్జెట్లో మంచి సేఫ్టీ, విశాలమైన క్యాబిన్ కోరుకునే వారికి ఇది సరైన ఎంపిక. అయితే ఇందులో అల్లాయ్ వీల్స్, వైర్లెస్ కనెక్టివిటీ, అడాస్ ఫీచర్లు ఉండవు.
వివరాలు
2. వీ వేరియంట్ (బెస్ట్ వాల్యూ ఫర్ మనీ)
ధర: రూ.13.30 లక్షలు (ఎంటీ) రూ.14.30 లక్షలు (సీవీటీ) ఈ వేరియంట్ను లైనప్లో అత్యంత వాల్యూ ఫర్ మనీ మోడల్గా నిపుణులు భావిస్తున్నారు. బేస్ మోడల్తో పోలిస్తే ఇందులో మరిన్ని ఆధునిక ఫీచర్లు ఉన్నాయి. అదనపు ఫీచర్లు గ్రే ఫినిష్డ్ అల్లాయ్ వీల్స్ వైర్లెస్ ఆండ్రాయిడ్ ఆటో, యాపిల్ కార్ప్లే కనెక్టెడ్ కార్ టెక్నాలజీ అడాస్ సేఫ్టీ ఫీచర్లు అటానమస్ ఎమర్జెన్సీ బ్రేకింగ్ అడాప్టివ్ క్రూయిజ్ కంట్రోల్ లేన్ కీప్ అసిస్ట్ ఆటో హై-బీమ్ అసిస్ట్ సీవీటీ వేరియంట్లో ప్యాడల్ షిఫ్టర్లు, రిమోట్ ఇంజన్ స్టార్ట్ వంటి ఫీచర్లు కూడా లభిస్తాయి.
వివరాలు
3. జెడ్ఎక్స్ వేరియంట్ (లగ్జరీ మోడల్)
ధర: రూ.15.26 లక్షలు (ఎంటీ) రూ.16.26 లక్షలు (సీవీటీ) క్యాబిన్లో మరింత ప్రీమియం అనుభూతి కోరుకునే వారి కోసం ఈ వేరియంట్ను రూపొందించారు. ప్రధాన ఫీచర్లు ఎలక్ట్రిక్ సన్రూఫ్ 16-ఇంచ్ డైమండ్ కట్ అల్లాయ్ వీల్స్ లెథరెట్ అప్హోల్స్టరీ యాంబియంట్ లైటింగ్ టెక్నాలజీ ఫీచర్లు 10.1-ఇంచ్ పెద్ద టచ్స్క్రీన్ 8-స్పీకర్ సౌండ్ సిస్టమ్ లేన్వాచ్ కెమెరా వైర్లెస్ ఛార్జర్ రెయిన్ సెన్సింగ్ వైపర్స్
వివరాలు
4. జెడ్ఎక్స్+ వేరియంట్ (టాప్ ఎండ్ పెట్రోల్)
ధర: రూ.16.15 లక్షలు (ఎంటీ) రూ.17.15 లక్షలు (సీవీటీ) పెట్రోల్ మోడల్లో అన్ని ప్రీమియం ఫీచర్లు కోరుకునే వారి కోసం ఈ వేరియంట్ను తీసుకొచ్చారు. అదనపు ఫీచర్లు బ్లాక్ ఫినిష్డ్ అల్లాయ్ వీల్స్ 360 డిగ్రీ కెమెరా వెంటిలేటెడ్ ఫ్రంట్ సీట్లు రిమోట్ ద్వారా విండోస్, సన్రూఫ్ ఆపరేట్ చేసే సదుపాయం 7-ఇంచ్ హెచ్డీ కలర్ డ్రైవర్ డిస్ప్లే
వివరాలు
5. జెడ్ఎక్స్+ ఈ:హెచ్ఈవి (స్ట్రాంగ్ హైబ్రిడ్ మోడల్)
ధర: రూ.21 లక్షలు మైలేజ్ను ప్రధానంగా కోరుకునే కస్టమర్ల కోసం హోండా ఈ స్ట్రాంగ్ హైబ్రిడ్ మోడల్ను తీసుకొచ్చింది. ప్రత్యేక ఫీచర్లు ఎలక్ట్రానిక్ పార్కింగ్ బ్రేక్ (ఆటో హోల్డ్తో) ఫోర్ వీల్ డిస్క్ బ్రేక్లు ఈవీ/హైబ్రిడ్ డ్రైవ్ మోడ్స్ మైలేజ్ లీటరుకు 27.26 కిలోమీటర్ల మైలేజ్ ఇస్తుందని కంపెనీ ప్రకటిస్తోంది. రోజువారీ ప్రయాణం ఎక్కువగా ఉండి అధిక మైలేజ్ కోరుకునే వారికి ఇది మంచి ఎంపిక. అయితే ధర ఎక్కువగా ఉండటం గమనించాల్సిన విషయం.
వివరాలు
ఇంజన్ ఆప్షన్లు, పవర్ వివరాలు
1.5 లీటర్ నేచురల్లీ ఆస్పిరేటెడ్ పెట్రోల్ ఇంజన్ 119 బీహెచ్పీ పవర్ 145 ఎన్ఎం టార్క్ 6-స్పీడ్ మాన్యువల్ లేదా సీవీటీ గేర్బాక్స్ ఆప్షన్ 1.5 లీటర్ స్ట్రాంగ్ హైబ్రిడ్ ఇంజన్ 125 బీహెచ్పీ కంబైన్డ్ పవర్ 253 ఎన్ఎం టార్క్ ఈ-సీవీటీ గేర్బాక్స్తో అందుబాటులో ఉంటుంది
వివరాలు
ఏది వాల్యూ ఫర్ మనీ వేరియంట్?
నిపుణుల అభిప్రాయం ప్రకారం.. హోండా సిటీ ఫేస్లిఫ్ట్లోని 'వీ' వేరియంట్నే బెస్ట్ వాల్యూ ఫర్ మనీ ఆప్షన్గా చెప్పొచ్చు. ధర, సేఫ్టీ, టెక్నాలజీ, రోజువారీ వినియోగానికి అవసరమైన ఫీచర్ల మధ్య ఇది మంచి సమతౌల్యం కల్పిస్తోంది. అయితే అధిక మైలేజ్ను ప్రాధాన్యంగా చూస్తే హైబ్రిడ్ వేరియంట్ వైపు వెళ్లాలని సూచిస్తున్నారు.