Triumph Street Triple 798 RS: రూ.14.39 లక్షలకే ట్రయంఫ్ స్ట్రీట్ ట్రిపుల్ 798 RS.. ఫీచర్లు ఇవే
ఈ వార్తాకథనం ఏంటి
బైక్ ప్రియులను ఆకట్టుకునేలా ట్రయంఫ్ కొత్త స్ట్రీట్ ట్రిపుల్ 798 RSను భారత మార్కెట్లోకి తీసుకొచ్చింది. ఈ 2027 మోడల్ ధర రూ.14.39 లక్షలు (ఎక్స్-షోరూమ్)గా కంపెనీ వెబ్సైట్లో నమోదైంది. అంతర్జాతీయంగా అక్టోబర్లో పరిచయం చేసిన ఈ బైక్ డెలివరీలు 2027 ఫిబ్రవరిలో గ్లోబల్ డీలర్షిప్ రోల్అవుట్ తర్వాత ప్రారంభమయ్యే అవకాశం ఉంది. ముఖ్యంగా పాత 765cc ఇంజిన్ స్థానంలో కొత్త 798cc ట్రిపుల్ ఇంజిన్ రావడం ఈ బైక్లో ప్రధాన మార్పు.
Details
పవర్లోనూ పెరిగిన జోరు
కొత్త 798cc ఇంజిన్ 11,500 rpm వద్ద 135 hp పవర్, 9,250 rpm వద్ద 86 Nm టార్క్ ఉత్పత్తి చేస్తుంది.
765 RSతో పోలిస్తే పవర్ 5 hp, టార్క్ 6 Nm పెరిగాయి. అదే సమయంలో బైక్ బరువు 5 కిలోలు తగ్గింది.
వెట్ వెయిట్ 183 కిలోలుగా ఉంది. సీటు ఎత్తు 836 మి.మీ., ఫ్యూయల్ ట్యాంక్ సామర్థ్యం 15 లీటర్లుగానే కొనసాగింది.
కొత్త అల్యూమినియం ఫ్రేమ్, ట్విన్-సైడెడ్ అల్యూమినియం స్వింగ్ఆర్మ్ కూడా ఇందులో ఉన్నాయి.
Details
సస్పెన్షన్, బ్రేకింగ్ అదుర్స్
బైక్ ముందు భాగంలో పూర్తిగా అడ్జస్టబుల్ 41 మి.మీ. షోవా USD ఫోర్క్, వెనుక ఓహ్లిన్స్ STX46 షాక్ ఉన్నాయి.
బ్రేకింగ్ కోసం ముందు 310 మి.మీ. డిస్కులతో బెంబో ఫోర్-పిస్టన్ రేడియల్ కాలిపర్లు, వెనుక 220 మి.మీ. డిస్క్ ఇచ్చారు.
17 అంగుళాల వీల్స్పై Pirelli Supercorsa SP V3 టైర్లు వస్తాయి. కొత్త స్టీరింగ్ జ్యామెట్రీతో రైడింగ్ మరింత స్పోర్టీగా మారేలా బైక్ను రూపొందించారు.
Details
టెక్నాలజీలో భారీ అప్గ్రేడ్
కొత్త స్ట్రీట్ ట్రిపుల్ 798 RSలో 7 అంగుళాల TFT టచ్స్క్రీన్ ప్రత్యేక ఆకర్షణ. ఇందులో వైర్లెస్ Apple CarPlay, Android Auto, వాయిస్ కంట్రోల్ ఉన్నాయి.
Eco, Rain, Road, Sport, Trackతో పాటు రెండు కస్టమైజ్ చేసుకునే రైడింగ్ మోడ్లు కలిపి మొత్తం ఏడు మోడ్లు లభిస్తాయి.
కార్నరింగ్ ABS, ట్రాక్షన్ కంట్రోల్, వీలీ కంట్రోల్, లాంచ్ కంట్రోల్, ఇంజిన్ బ్రేకింగ్ కంట్రోల్, క్రూయిజ్ కంట్రోల్ కూడా ఉన్నాయి.
Details
ధరకు తగ్గట్టే పోటీ
కొత్త ట్రయంఫ్ స్ట్రీట్ ట్రిపుల్ 798 RS ధర పాత 765 RS కంటే రూ.1.2 లక్షలు ఎక్కువ.
అయితే అదనపు పవర్, తక్కువ బరువు, కొత్త ఛాసిస్, అధునాతన ఎలక్ట్రానిక్స్ రూపంలో అప్గ్రేడ్లు లభిస్తున్నాయి.
రూ.13.99 లక్షల నుంచి ప్రారంభమయ్యే Ducati Monster V2, రూ.12.79 లక్షల Kawasaki Z1100 దీనికి ప్రధాన ప్రత్యామ్నాయాలుగా నిలుస్తున్నాయి. పనితీరు, టెక్నాలజీ రెండింటినీ కలిపి చూస్తే 798 RS ఈ సెగ్మెంట్లో ఆసక్తికరమైన కొత్త ఎంపికగా మారింది.