Ultraviolette Tesseract: టెసరాక్ట్ లాంచ్పై కీలక అప్డేట్.. కొత్త ఆర్కిటెక్చర్తో మరింత పవర్ఫుల్గా అల్ట్రావయొలెట్ స్కూటర్
ఈ వార్తాకథనం ఏంటి
తమ ఫ్లాగ్షిప్ ఎలక్ట్రిక్ స్కూటర్ 'టెసరాక్ట్' డెలివరీలపై ప్రముఖ ఈవీ తయారీ సంస్థ అల్ట్రా వైయోలెట్ కీలక ప్రకటన చేసింది. స్కూటర్ను ఆవిష్కరించిన దాదాపు 15 నెలల తర్వాత, 2027 తొలి త్రైమాసికంలో డెలివరీలు ప్రారంభిస్తామని కంపెనీ అధికారికంగా వెల్లడించింది. ఎక్కువ అవకాశాలు 2027 జనవరిలోనే కస్టమర్లకు ఈ స్కూటర్ అందుబాటులోకి వచ్చేలా కనిపిస్తున్నాయి. మొదట కంపెనీ 2026 తొలి త్రైమాసికంలో డెలివరీలు ప్రారంభిస్తామని ప్రకటించగా, తర్వాత దాన్ని 2026 రెండో త్రైమాసికానికి వాయిదా వేసింది. అయితే సాంకేతిక సవాళ్లు, పనితీరులో ఎలాంటి రాజీ పడకూడదనే లక్ష్యంతో కొత్త నిర్ణయం తీసుకున్నట్లు సంస్థ తెలిపింది.
వివరాలు
మార్కెట్లో మరింత డిమాండ్..
మొదటగా కంపెనీ తమ F77, X-47 మోడళ్లలో ఉపయోగించిన పవర్ట్రైన్ను టెసరాక్ట్లో ఉపయోగించాలని భావించింది. కానీ కొన్ని పరిమితులు, సాంకేతిక ఇబ్బందుల కారణంగా ప్లాన్లో మార్పులు చేయాల్సి వచ్చిందని పేర్కొంది. దీంతో పూర్తిగా కొత్త ఆర్కిటెక్చర్ను అభివృద్ధి చేసినట్లు వెల్లడించింది. ఈ ప్రక్రియ వల్ల ప్రాజెక్ట్ ఆలస్యమైనప్పటికీ, తుది ఫలితంగా మెరుగైన పనితీరు లభించిందని కంపెనీ చెబుతోంది. ఈ స్కూటర్ గరిష్ట వేగం గంటకు 125 కిలోమీటర్ల వరకు ఉంటుందని అల్ట్రావయొలెట్ తెలిపింది. కంపెనీ విడుదల చేసిన వీడియోల్లో టెసరాక్ట్ స్కూటర్, దేశీయంగా తయారైన పెట్రోల్, ఎలక్ట్రిక్ స్కూటర్లన్నింటినీ డ్రాగ్ రేస్లలో వెనక్కి నెట్టినట్లు చూపించింది.
వివరాలు
బాడీ ప్యానెల్లలో స్వల్ప మార్పులు..
పిలియన్ రైడర్తో కూడా అదే స్థాయి పనితీరు కనబరిచినట్లు పేర్కొంది. అంతేకాదు, వేర్వేరు పరీక్షల్లో 150 సీసీ నుంచి 200 సీసీ బైక్లను కూడా అధిగమించినట్లు కంపెనీ తెలిపింది. తుది వెర్షన్లో ఫ్లోర్బోర్డ్కు మరింత స్థలం కల్పించారు. రైడర్తో పాటు పిలియన్కు కూడా సౌకర్యంగా ఉండేలా సీటును డిజైన్ చేశారు. హ్యాండిల్బార్ పొజిషన్ను కూడా మెరుగుపరిచారు. విండ్స్క్రీన్ను కొంచెం ఎత్తుగా అమర్చడంతో ఉపయోగకరత పెరిగిందని చెబుతున్నారు. ఈ మార్పులకు అనుగుణంగా బాడీ ప్యానెల్లలో స్వల్ప మార్పులు చేసినప్పటికీ, టెసరాక్ట్ ప్రత్యేక డిజైన్ను అలాగే కొనసాగించారు.
వివరాలు
స్పెషల్ వేరియంట్లలో.. సరికొత్తగా..
ప్రస్తుతం ఈ స్కూటర్ టెస్టింగ్, వాలిడేషన్ దశలో ఉంది. బ్యాటరీ ఆప్షన్లు మాత్రం యథాతథంగా 3.5kWh, 5kWh, 6kWh వేరియంట్లలోనే అందుబాటులో ఉంటాయని కంపెనీ స్పష్టం చేసింది. అన్ని వేరియంట్లలో డ్యూయల్-చానల్ ABS, ట్రాక్షన్ కంట్రోల్ స్టాండర్డ్గా ఇవ్వనున్నారు. ఎంపిక చేసిన కొన్ని మోడళ్లలో X-47లో తొలిసారి పరిచయం చేసిన ఆన్బోర్డ్ ఛార్జర్ ఫీచర్ కూడా ఉండనుంది.