Nokia Layoff: నోకియాలో 14వేల మంది ఉద్యోగులు ఇంటికి.. కారణం ఇదే!
ఈ వార్తాకథనం ఏంటి
కరోనా తర్వాత ప్రపంచ వ్యాప్తంగా ఉన్న అనేక ఐటీ సంస్థలు ఆర్థిక భారాన్ని తగ్గించుకోవడానికి తమ సంస్థలోని ఉద్యోగులను తొలిగిస్తున్న విషయం తెలిసిందే.
తాజాగా టెక్ దిగ్గజం నోకియా(Nokia) పెద్ద ఎత్తున ఉద్యోగులను తొలగించాలని నిర్ణయించుకుంది.
టెక్నాలజీ రంగంలో ఉన్న ఒడిదుడుకులతో పాటు సేల్స్ భారీగా తగ్గడంతో నోకియా ఈ నిర్ణయం తీసుకున్నట్లు తెలుస్తోంది.
ఈ నేపథ్యంలో నోకియా 5జీ టెక్నాలజీ పరికరాలకు సంబంధించిన అమ్మకాలు ఏకంగా 20శాతం డౌన్ అయ్యాయి.
కంపెనీ నష్టాలను గట్టిక్కించేందుకు, నికర ఆదాయంతో పాటు రిజర్వ్ నిధులను పెంచుకొనే మార్గంలో భాగంగా కంపెనీ నుంచి 14వేల మంది తొలిగిస్తున్నట్లు నోకియా ప్రకటించింది.
Details
నోకియాలో 86వేల మంది ఉద్యోగులు
ప్రస్తుతం నోకియా కంపెనీలో 86వేల మంది ఉద్యోగులు ఉన్నారు.
తాజాగా 14వేల మంది తొలగింపుతో ఉద్యోగుల సంఖ్యను 72వేలకు తీసుకురావాలని కంపెనీ నిర్ణయించింది.
2024 ఏడాదికి 400 మిలియన్ యూరోలు, 225 నాటికి మరో 300 మిలియన్ యూరోల నిధులను ఆదా చేయాలని, దీనికి ఉద్యోగుల తొలగింపు ఒక్కటే మార్గమని కంపెనీ భావిస్తోంది.
ఇక నోకియా నిర్ణయంతో మిగతా కంపెనీల్లో పని చేస్తున్న ఐటీ ఉద్యోగుల్లో సైతం టెన్షన్ నెలకొంది.