ఐదు నెలల గరిష్టానికి టోకు ద్రవ్యోల్బణం.. ఆగస్టులో -0.52శాతానికి పెరుగుదల
భారత టోకు ధరల ద్రవ్యోల్బణం ఆగస్ట్‌-2023లో ఐదు నెలల గరిష్ఠానికి చేరుకున్నట్లు వాణిజ్య మంత్రిత్వ శాఖ తెలిపింది. ఈ మేరకు గురువారం గణాంకాలను విడుదల చేసింది. టోకు ధరల సూచీ (డబ్ల్యూపీఐ) ద్రవ్యోల్బణం -0.52 శాతానికి పెరిగినట్లు వెల్లడించింది. డబ్ల్యూపీఐ ద్రవ్యోల్బణం జూలైలో -1.36 శాతంగా నమోదైంది. ఆగస్టులో హోల్‌సేల్ ధరలు పెరిగాయి. ద్రవ్యోల్బణం రేటు సున్నా కంటే దిగువన ఉన్నప్పటికీ, ఇంధనం, ఎనర్జీ రెట్లు పెరిగిన పరిస్థితి నెలకొంది. అదేవిధంగా, తయారీ ఉత్పత్తుల ద్రవ్యోల్బణం కూడా ఆగస్టులో సున్నా కంటే తక్కువగా -2.37 శాతంగా ఉంది. ఈ కేటగిరీ వస్తువుల ఇండెక్స్ 0.1 శాతం పెరిగింది, ఇది పెరుగుతున్న ధరల ఒత్తిడిని సూచిస్తుంది.
