BSE revamps website: కొత్త ఫీచర్లతో బీఎస్ఈ సైట్ అప్డేట్.. స్టాక్ మార్కెట్ ట్రాకింగ్ ఇక సులభం
ఈ వార్తాకథనం ఏంటి
దేశంలోని ప్రముఖ స్టాక్ ఎక్స్చేంజ్ అయిన బాంబే స్టాక్ ఎక్స్చేంజ్ (బీఎస్ఈ) తన వెబ్సైట్ను పూర్తిగా కొత్తగా మార్చింది. యూజర్లకు మరింత సులభంగా ఉపయోగపడేలా ఈ మార్పులు తీసుకొచ్చినట్టు తెలిపింది. కొత్త వెబ్సైట్లో క్లీనర్ లేఅవుట్, సులభమైన నావిగేషన్తో రియల్ టైమ్ మార్కెట్ డేటా అందుబాటులోకి తీసుకువచ్చారు. హోమ్పేజ్లో నోటీసులు, మీడియా రిలీజ్లు, ట్రేడింగ్ హాలిడేస్, ఉద్యోగాల వివరాలకు త్వరగా వెళ్లే లింకులు ఉంచారు. అలాగే సెక్యూరిటీలను పేరు, కోడ్, ఐడీ, ఐఎస్ఐఎన్ ద్వారా సెర్చ్ చేసే సెంట్రల్ సెర్చ్ బార్ను ఏర్పాటు చేశారు.
వివరాలు
హోమ్పేజ్లో డేటా విజువలైజేషన్కు ప్రాధాన్యం
ఇక పాత వెబ్సైట్ను ఉపయోగించాలనుకునే వారికి ప్రత్యేకంగా "ఓల్డ్ వెబ్సైట్" బటన్ను కూడా అందుబాటులో ఉంచారు. కొత్తగా రూపొందించిన నావిగేషన్ మెనూలో మార్కెట్లు, కంపెనీలు, పబ్లిక్ ఇష్యూస్, మెంబర్స్, ఇన్వెస్ట్మెంట్ అడ్వైజర్లు, రీసెర్చ్ అనలిస్టులు, మార్కెట్ డేటా వంటి విభాగాలను స్పష్టంగా విభజించారు. దీంతో యూజర్లు కావాల్సిన సమాచారం త్వరగా పొందే వీలు కలిగింది. అదే సమయంలో హోమ్పేజ్లో డేటా విజువలైజేషన్కు ప్రాధాన్యం పెంచారు. సెన్సెక్స్ వివరాలను గ్రాఫ్ల రూపంలో చూపిస్తూ, ఇండెక్స్ డెరివేటివ్స్ విభాగంలో మార్కెట్ సమరీ, మార్కెట్ వాచ్ వంటి ట్యాబ్లను జోడించారు. ఇందులో ట్రేడింగ్ కాంట్రాక్టులు, టర్నోవర్, ఓపెన్ ఇంటరెస్ట్ వంటి వివరాలు పట్టికల రూపంలో కనిపిస్తాయి.
వివరాలు
స్టాక్స్ను ట్రాక్ చేయడం, మార్కెట్ ట్రెండ్స్ను అర్థం చేసుకోవడం మరింత సులభం
లైవ్ టిక్కర్ బ్యాండ్ ద్వారా ప్రీ-ఓపెన్ మార్కెట్ స్థితి, సెన్సెక్స్, బ్యాంకెక్స్ వంటి ముఖ్య సూచీలు రియల్ టైమ్లో మార్పులతో చూపిస్తున్నారు. అలాగే గైనర్స్, లూజర్స్, టాప్ టర్నోవర్, బ్లాక్ డీల్స్ వంటి ఇండెక్స్ వివరాలను సులభంగా చూసేలా ట్యాబ్లలో విభజించారు. కొత్త ఉత్పత్తులు, మొబైల్ యాప్ సేవలపై సమాచారం ఇచ్చే బ్యానర్లు కూడా స్పష్టంగా కనిపించేలా ఏర్పాటు చేశారు. మొత్తంగా ఈ మార్పులతో పెట్టుబడిదారులకు స్టాక్స్ను ట్రాక్ చేయడం, మార్కెట్ ట్రెండ్స్ను అర్థం చేసుకోవడం మరింత సులభమైంది.