ఆకాశ ఎయిర్ లైన్స్ మూసివేతపై.. సీఈఓ క్లారిటీ
ఆకస్మికంగా పైలెట్ల రాజీనామాలు చేయడంతో ఆకాశ ఎయిర్ లైన్స్ కంపెనీ తీవ్ర ఆందోళనలను ఎందుర్కొంటోంది. ఈ క్రమంలో ఆకాశ ఎయిర్ లైన్స్ మూసివేస్తున్నారంటూ వార్తలు చక్కర్లు కొట్టాయి. ఈ వార్తలపై ఆకాశ ఎయిర్ సీఈఓ వినయ్ దూబే స్పందించారు. ఎయిర్‌లైన్‌ను మూసివేయడం లేదని ఉద్యోగులకు ఈమెయిల్ ద్వారా తెలియజేశారు. పైలట్‌ల రాజీనామాల కారణంగా ఎయిర్‌లైన్ తన కార్యకలాపాల్లో అంతరాయాన్ని ఎదుర్కొంటున్న విషయాన్ని దూబే అంగీకరించారు. రాజీనామాల వల్ల జులై-సెప్టెంబర్ మధ్య విమానాలకు అంతరాయం ఏర్పడిందని పేర్కొన్నారు. దీని వల్ల చివరి నిమిషంలో ఫ్లైట్లు రద్దు చేసిన సంఘటనలు కూడా ఉన్నాయన్నారు. జూనియర్ పైలట్లు తమ నోటీస్ పీరియడ్లను పూర్తి చేయకుండా ఆకస్మికంగా వెళ్లిపోయినప్పుడు తీవ్ర ఇబ్బందులను ఎదుర్కొన్నట్లు చెప్పారు.
