తదుపరి వార్తా కథనం
Control S: హైదరాబాద్‌ సమీపంలో 40 ఎకరాల స్థలంలో మరో డేటా కేంద్రం
వ్రాసిన వారు
Sirish Praharaju
Jan 21, 2025
09:12 am
ఈ వార్తాకథనం ఏంటి
హైదరాబాద్‌ సమీపంలో 40 ఎకరాల స్థలంలో కొత్త డేటా కేంద్రం నెలకొల్పేందుకు కంట్రోల్‌ ఎస్‌ ఛైర్మన్‌ శ్రీధర్‌ పిన్నపురెడ్డి నిర్ణయించారు.
ఈ డేటా కేంద్రం చందనవెల్లి పారిశ్రామిక పార్కులో నిర్మించనున్నారు.దీని పూర్తిస్థాయి సామర్థ్యం 600 మెగావాట్లకు చేరుకుంటుందని ఆయన వెల్లడించారు.
ప్రస్తుతం హైదరాబాద్‌ పరిసరాల్లో ఉన్న డేటా కేంద్రాలు కేవలం 52 మెగావాట్ల సామర్థ్యం మాత్రమే కలిగి ఉన్నాయని, అయితే ఈ కొత్త కేంద్రం ఐటీ రంగానికి మంచి ప్రోత్సాహకంగా పనిచేస్తుందని ఆయన అభిప్రాయపడుతున్నారు.
అధునాతన శీతలీకరణ వ్యవస్థలు, పర్యావరణ హితంగా ఈ డేటా కేంద్రం నిర్మించబడే విధంగా ప్రణాళిక రూపొందించబడింది.
ప్రస్తుతం, హైదరాబాద్‌లోని హైటెక్‌ సిటీ, ఫైనాన్షియల్‌ డిస్ట్రిక్ట్‌, గచ్చిబౌలిలో మూడు డేటా కేంద్రాలను కంట్రోల్‌ ఎస్‌ నిర్వహిస్తోంది.