ఐఫోన్ 15 కొనబోతున్నట్లు ఎలాన్ మస్క్ ట్వీట్.. ఆ ఫోన్ ఎందుకు నచ్చిందో కారణం చెప్పిన బిలియనీర్
ఈ వార్తాకథనం ఏంటి
ప్రపంచ మార్కెట్లో ఆపిల్ కు చెందిన ఐఫోన్ 15 సిరీస్ లాంచ్ అయ్యింది. దీంతో ఐఫోన్ 15 సిరీస్ డివైజులను కొనడానికి జనం ఎగబడుతున్నారు.
తాజాగా ప్రపంచ కుబేరుడు ఎలాన్ మస్క్, తాను కూడా ఒక ఐఫోన్ 15 మోడల్ కొనబోతున్నానని ట్వీట్ చేశాడు. అంతే కాదు దానికి గల కారణాన్ని కూడా తెలియజేశాడు.
ప్రపంచ ప్రఖ్యాత ఫోటోగ్రాఫర్లయిన స్టీఫెన్ విల్ కేస్, రూబెన్ వూ.. ఐఫోన్ 15 సిరీస్ తో కొన్ని ఫోటోలు తీశారు. ఆ ఫోటోలను ఆపిల్ సీఈఓ టిమ్ కుక్, ఎక్స్ ద్వారా పంచుకున్నారు.
టిమ్ కుక్ పోస్ట్ కు స్పందించిన ఎలాన్ మస్క్, ఐఫోన్ 15 సిరీస్ తో ఫోటోలు, వీడియోలు అద్భుతంగా వచ్చాయని అన్నారు.
Details
ఎలాన్ మస్క్ పోస్టు పై నెటిజన్ల అభిప్రాయాలు
న్యూయార్క్ నగరంలో ఐఫోన్ 15 సిరీస్ కోసం ఆపిల్ స్టోర్ల వద్ద జనం ఎగబడుతున్న కొన్ని ఫోటోలను ఎక్స్ ద్వారా టిమ్ కుక్ షేర్ చేశారు.
ఆ పోస్టుకు స్పందించిన ఎలాన్ మస్క్, తాను కూడా ఒకటి కొనబోతున్నట్లు ప్రకటించాడు. ఎలాన్ మస్క్ ట్వీట్ పై నెటిజన్లు రకరకాల అభిప్రాయాలను వెల్లడి చేస్తున్నారు.
ఎలాన్ మస్క్ ఏది చేసినా అందులో బిజినెస్ దాగి ఉంటుందనీ, ఐఫోన్ 15 పై ట్వీట్ కూడా అందులో భాగమేనని అంటున్నారు.
మరికొందరేమో, ఏ రంగు ఫోన్ కొంటున్నారని, ఐఫోన్ 15 సిరీస్ లో ఉన్న నాలుగు మోడల్స్ లో ఏ మోడల్ తీసుకుంటారనీ ప్రశ్నలు వేస్తున్నారు.