Gold and Silver Rates: తగ్గినట్టే తగ్గి పెరిగిన బంగారం.. నేటి ధరలు ఎలా ఉన్నాయంటే?

వ్రాసిన వారు Sirish Praharaju

Feb 27, 2026

11:25 am

ఈ వార్తాకథనం ఏంటి

బంగారం ధరలు ఒకరోజు తగ్గినప్పటికీ, మరుసటి రోజే మళ్లీ పైకి ఎగబాకాయి. గురువారం తగ్గుదల కనిపించిన రేట్లు, శుక్రవారం ట్రేడింగ్ ప్రారంభమైన వెంటనే తిరిగి పెరుగుదల దిశగా కదిలాయి. గుడ్ రిటర్న్స్ వెబ్‌సైట్ సమాచారం ప్రకారం, హైదరాబాద్ బులియన్ మార్కెట్‌లో ఉదయం 10 గంటల సమయానికి 24 క్యారెట్ 10 గ్రాముల బంగారం ధర రూ.1,61,570కు చేరింది. ఇది గతరోజుతో పోలిస్తే రూ.550 పెరుగుదలగా నమోదైంది. అదే సమయంలో 22 క్యారెట్ ఆభరణాల బంగారం ధర రూ.500 పెరిగి రూ.1,48,100కు ఎగసింది. నగరంలో కిలో వెండి ప్రస్తుతం రూ.2.95 లక్షల వద్ద ట్రేడవుతోంది.

వివరాలు

వెండి ధర

చెన్నైలో 24 క్యారెట్ 10 గ్రాముల బంగారం ధర రూ.1,62,550గా నమోదైంది. ముంబైలో ఇది రూ.1,61,570గా ఉండగా, ఢిల్లీలో రూ.1,61,720గా ఉంది. కోల్‌కతా,బెంగళూరు నగరాల్లో కూడా 24 క్యారెట్ బంగారం ధర రూ.1,61,570గా కొనసాగుతోంది. 22 క్యారెట్ 10 గ్రాముల బంగారం ధరలో చెన్నై ముందంజలో ఉంది. అక్కడ ఇది రూ.1,49,000గా ఉంది. ముంబైలో రూ.1,48,100గా, ఢిల్లీలో రూ.1,48,825గా కొనసాగుతోంది. మరోవైపు, ముంబై, ఢిల్లీ, కోల్‌కతా నగరాల్లో కిలో వెండి ధర రూ.2.85 లక్షలుగా ఉండగా, చెన్నైలో మాత్రం ఇది రూ.2.95 లక్షలుగా నమోదైంది.