AI వలన 70% ఉద్యోగాలు ప్రమాదంలో పడ్డాయంటున్న గోల్డ్‌మన్ సాచ్స్
ఈ వార్తాకథనం ఏంటి
ChatGPT విప్లవం వివిధ రంగాలలో ప్రభావం చూపిస్తుంది. AI సామర్థ్యాలను చూసి ఆనందించినా , ఇది లేబర్ మార్కెట్‌ను ప్రభావితం చేస్తుందనే విషయాన్ని మర్చిపోకూడదు.
గోల్డ్‌మన్ సాచ్స్ ప్రకారం,అమెరికా, యూరోపియన్ యూనియన్‌లో కనీసం మూడింట రెండు వంతుల ఉద్యోగాలు AI ఆటోమేషన్ ముప్పులో ఉన్నాయి.
AI సామర్థ్యాలు యంత్రాల కంటే ఎక్కువ ఉండడం వలన AI ఆటోమేషన్ ఆర్థిక అసమానతలను కచ్చితంగా పెంచుతుంది. యంత్రాల ప్రవేశంతో మానవుల ఉత్పాదకత పెరిగింది. AI ఆటోమేషన్ దీన్ని మరింత మెరుగుపరుస్తుందని నిపుణులు భావిస్తున్నారు.
మానవ మెదడును అనుకరించే సామర్ధ్యం AIలో మెరుగ్గా ఉండటం వలన ఉద్యోగ కోతలకు దారి తీస్తుంది. లీగల్, అడ్మినిస్ట్రేటివ్ ఉద్యోగాలు ఎక్కువగా ప్రభావితం కావచ్చు.
ఆర్టిఫిషియల్ ఇంటెలిజెన్స్
AI 10 సంవత్సరాల కాలంలో వార్షిక ప్రపంచ GDPని 7% పెంచుతుంది
గోల్డ్‌మన్ సాచ్స్ హెచ్చరిస్తున్న ప్రకారం, చాలా ఉద్యోగాలు కొంతవరకు AI ఆటోమేషన్‌కు గురవుతాయి. పరిపాలనా, చట్టపరమైన రంగాలు ఎక్కువగా ప్రభావితమవుతాయని అంచనా. 46% చట్టపరమైన ఉద్యోగాలు, 44% అడ్మినిస్ట్రేటివ్ ఉద్యోగాలను AI ద్వారా భర్తీ చేయచ్చని నివేదిక పేర్కొంది.
దీనికి విరుద్ధంగా, శారీరకంగా ఎక్కువ మానవ శక్తి అవసరమయ్యే వృత్తులలో AI ప్రభావం తక్కువ ఉంటుంది. AI 10 సంవత్సరాల కాలంలో వార్షిక ప్రపంచ GDPని 7% పెంచుతుంది.
మెరుగైన GDP వృద్ధికి సహాయపడే కొన్ని అంశాలను కూడా నివేదిక తెలిపింది. వీటిలో ఉద్యోగుల జీతాభత్యాలు, కొత్త ఉద్యోగాల సృష్టి, కార్మికుల ఉత్పాదకత వంటివి ఉన్నాయి. AI అభివృద్ధి ఇంకా జరుగుతున్న దశలో, కేవలం 5% ఉద్యోగాలు మాత్రమే పూర్తిగా ఆటోమేట్ అవుతాయి.