Crude Oil : రూ.85వేల కోట్లతో క్రూడాయిల్ రవాణా నౌకల కొనుగోలుకి ప్రణాళిక !
ఈ వార్తాకథనం ఏంటి
భారత ప్రభుత్వం సుమారుగా రూ.85 వేల కోట్ల వ్యయంతో 112 క్రూడ్ ఆయిల్ రవాణా నౌకలను కొనుగోలు చేయాలని నిర్ణయించింది.
ఈ ప్రతిపాదనకు సంబంధించి కొనుగోలు ప్రక్రియను త్వరలో ప్రారంభించనున్నట్లు బ్లూమ్‌బర్గ్ వార్త సంస్థ వెల్లడించింది.
ప్రపంచంలో మూడవ అతిపెద్ద క్రూడ్ ఆయిల్ వినియోగ దేశంగా భారత్ నిలిచిన నేపథ్యంలో, దీర్ఘకాలిక వ్యూహాత్మక ప్రయోజనాల కోసం ఈ నిర్ణయం తీసుకున్నట్లు సమాచారం.
దిగుమతులు
చమురు అవసరాల కోసం భారీగా దిగుమతులు
దేశీయంగా పెరుగుతున్న చమురు డిమాండ్‌ను తీర్చేందుకు భారత్ ఇప్పటికే విదేశీ మార్కెట్లపై ఆధారపడి భారీగా ఆయిల్ దిగుమతులు చేసుకుంటోంది.
అంతర్జాతీయంగా ఏర్పడే రాజకీయ, ఆర్థిక అస్థిరతల వల్ల సరఫరాలో అంతరాయాలు తలెత్తే అవకాశాన్ని దృష్టిలో ఉంచుకుని, ఇతర దేశాలపై ఆధారపడకుండా స్వంత నౌకల కల్పన అవసరమని కేంద్ర ప్రభుత్వం భావిస్తోంది.
సొంత రవాణా నౌకలు కలిగి ఉండటం వలన అత్యవసర పరిస్థితుల్లోనూ చమురు సరఫరాలో అంతరాయం రాకుండా చూసుకునే అవకాశం ఉంటుంది.
నౌకలు
2040 నాటికి 112 నౌకలు అందుబాటులోకి
భారత ప్రభుత్వం నిర్దేశించిన ప్రణాళిక ప్రకారం, ఈ 112 నౌకలు 2040 సంవత్సరానికి ముందుగా పూర్తి స్థాయిలో అందుబాటులోకి రావాల్సి ఉంటుంది.
ఈ ప్రయోజనాత్మక నిర్ణయం వల్ల భారత్‌కు అనేక లాభాలు లభించనున్నాయి.
ముఖ్యంగా చమురు దిగుమతుల వ్యయాన్ని తగ్గించుకోవడం, సరఫరాలో స్వయం నియంత్రణ కలిగి ఉండడం వంటి అంశాలు ప్రధానంగా నిలవనున్నాయి.
దీర్ఘకాలికంగా ఈ ప్రణాళిక దేశానికి గణనీయమైన మార్పును తీసుకురావచ్చని నిపుణులు అంచనా వేస్తున్నారు.