NBFCs: బ్యాంకులకు గట్టి పోటీగా NBFCలు.. AIతో రుణాల వ్యవస్థలో విప్లవం
ఈ వార్తాకథనం ఏంటి
భారత్లో గత పదేళ్లుగా NBFCల ప్రయాణాన్ని గమనించిన వారికి ఈ రంగంలో వచ్చిన మార్పు స్పష్టంగా కనిపిస్తుంది. ఒకప్పుడు "షాడో బ్యాంకింగ్"గా పిలిచిన ఈ రంగం.. పరిమిత డేటా, సరైన క్రెడిట్ బ్యూరో వ్యవస్థ లేకుండా పనిచేసేది. అయితే ఇప్పుడు అదే NBFCలు దేశ ఆర్థిక వ్యవస్థలో కీలక స్థంభాలుగా మారాయి. అప్పట్లోనే NBFCలను ప్రత్యేకంగా నిలబెట్టింది వాటి వేగం, పరిస్థితులకు త్వరగా అనుగుణంగా మారే సామర్థ్యం, అలాగే సాధారణ బ్యాంకింగ్ సేవలు చేరని వర్గాలకు చేరుకోవడమే. ఇప్పుడు అదే సామర్థ్యానికి టెక్నాలజీ మరింత బలం చేకూర్చింది. ప్రస్తుతం NBFCలు కేవలం బ్యాంకులకు తోడ్పడే స్థాయిలో లేవు. పరిమాణం, సాంకేతికత, సేవల వేగం వంటి అంశాల్లో నేరుగా బ్యాంకులతో పోటీ పడుతున్నాయి.
వివరాలు
ఇంటెలిజెంట్ వ్యవస్థల వైపు అడుగులు..
అయితే అసలు మార్పు ఇంకా లోతుగా జరిగింది. ఒకప్పుడు భౌతిక రుణాల నుంచి డిజిటల్ రుణాల దిశగా మార్పు జరిగితే.. ఇప్పుడు డిజిటల్ నుంచి ఇంటెలిజెంట్ వ్యవస్థల వైపు అడుగులు పడుతున్నాయి. నిర్ణయాలు, కస్టమర్ అనుభవం, ఆపరేషన్లు అన్నీ ఇప్పుడు క్రమంగా ఆర్టిఫిషియల్ ఇంటెలిజెన్స్ (AI) ఆధారిత వ్యవస్థల చేత నడపబడుతున్నాయి. ఈ మార్పులో ముఖ్యమైన అంశం రుణాల మంజూరులో కనిపిస్తోంది. ఒకప్పుడు స్థిరమైన నిబంధనల ఆధారంగా జరిగే అండర్రైటింగ్ ఇప్పుడు డేటా ఆధారిత, డైనమిక్ ఇంటెలిజెన్స్ వైపు మారుతోంది.
వివరాలు
ఎక్కువ మందికి అందుబాటులో ఉండే రుణ సేవలు..
ప్రస్తుతం AI మోడల్స్ ప్రత్యామ్నాయ డేటా, వినియోగదారుల ప్రవర్తన, వివిధ సందర్భాల సమాచారాన్ని విశ్లేషించి రియల్టైమ్లో క్రెడిట్ అర్హతను అంచనా వేస్తున్నాయి. ఇది కేవలం ఆటోమేషన్ మాత్రమే కాదు.. పనుల విభజనలో వచ్చిన పెద్ద మార్పు కూడా. ప్యాటర్న్లను గుర్తించడం, వేగంగా విశ్లేషించడం వంటి విషయాల్లో యంత్రాలు ముందుంటే.. విశ్వాసం, పరిస్థితుల అర్థం చేసుకోవడంలో మానవ నిర్ణయాలు కీలకంగా మారుతున్నాయి. ఈ రెండింటి కలయికతో వేగవంతమైన, మరింత ఖచ్చితమైన, ఎక్కువ మందికి అందుబాటులో ఉండే రుణ సేవలు సాధ్యమవుతున్నాయి.
వివరాలు
రుణాల ప్రాసెసింగ్ సమయం తగ్గుదల..
ఆపరేషన్ల పరంగా కూడా ఈ మార్పు మొత్తం వ్యవస్థలో కనిపిస్తోంది. కస్టమర్ ఆన్బోర్డింగ్ నుంచి అండర్రైటింగ్ వరకు, మోసాల గుర్తింపు నుంచి వసూళ్లు, పోర్ట్ఫోలియో మానిటరింగ్ వరకు AI, మెషిన్ లెర్నింగ్ వినియోగం పెరుగుతోంది. దీంతో కేవలం పనులు పూర్తి చేసే వ్యవస్థలే కాకుండా.. నిరంతరం నేర్చుకుంటూ మార్పులకు అనుగుణంగా పనిచేసే సిస్టమ్స్ రూపుదిద్దుకుంటున్నాయి. దీని ప్రభావం వ్యాపారాలపై కూడా స్పష్టంగా కనిపిస్తోంది. రుణ సంస్థలకు సేవల ఖర్చు తగ్గుతోంది. రుణాల ప్రాసెసింగ్ సమయం గణనీయంగా తగ్గుతోంది. రిస్క్ నిర్వహణ మెరుగుపడుతోంది. అలాగే పోర్ట్ఫోలియో నాణ్యత మరింత స్థిరంగా మారుతోంది.