Small savings schemes: కేంద్రం 'న్యూ ఇయర్' కానుక.. సుకన్య సమృద్ధి యోజనపై భారీగా వడ్డీ పెంపు
చిన్న పొదుపు పథకాల్లో పెట్టుబడి పెట్టే వారికి కేంద్రం గుడ్ న్యూస్ చెప్పింది. న్యూ ఇయర్ కానుకగా.. చిన్న పొదుపు పథకాల వడ్డీ రేట్లను కేంద్రం పెంచింది. 2023-24ఆర్థిక సంవత్సరం నాలుగో త్రైమాసికానికి (జనవరి-మార్చి) సుకన్య సమృద్ధి ఖాతా యోజన, 3 సంవత్సరాల ఫిక్స్డ్ డిపాజిట్ స్కీమ్పై ప్రభుత్వం వడ్డీ రేటును 0.20% పెంచింది. సుకన్య సమృద్ధి యోజన కింద డిపాజిట్లపై వడ్డీ రేటును ప్రస్తుతమున్న 8శాతం నుంచి 8.2శాతానికి కేంద్రం పెంచింది. మూడేళ్ల టర్మ్ డిపాజిట్లపై ప్రస్తుతం ఉన్న 7శాతం నుంచి 7.1%కి పెంచింది. పీపీఎఫ్లపై వడ్డీ రేటు 7.1శాతం వద్ద స్థిరంగా ఉంచింది. ఇందులో ఎలాంటి మార్పు చేయలేదు. కొత్త వడ్డీ రేట్లు జనవరి 1, 2024 నుంచి వర్తిస్తాయి.
పెంచిన తర్వాత వడ్డీ రేట్లు ఇలా ఉన్నాయి
సుకన్య సమృద్ధి ఖాతా పథకం- 8.2% సేవింగ్స్ డిపాజిట్ - 4% 1 సంవత్సరం టైమ్ డిపాజిట్-6.9% 2 సంవత్సరాల కాల డిపాజిట్-7% 3 సంవత్సరాల కాల డిపాజిట్-7.1% 5 సంవత్సరాల కాల డిపాజిట్-7.5% 5 సంవత్సరాల రికరింగ్ డిపాజిట్-6.7% సీనియర్ సిటిజన్ సేవింగ్స్ స్కీమ్-8.2% నెలవారీ ఆదాయ ఖాతా పథకం-7.4% నేషనల్ సేవింగ్స్ సర్టిఫికేట్-7.7% పబ్లిక్ ప్రావిడెంట్ ఫండ్ స్కీమ్-7.1% కిసాన్ వికాస్ పత్ర-7.5% ప్రభుత్వం ప్రతి త్రైమాసికంలో ప్రధానంగా పోస్టాఫీసుల ద్వారా నిర్వహించబడే చిన్న పొదుపు పథకాలపై వడ్డీ రేట్లను తెలియజేస్తుంది. రిజర్వ్ బ్యాంక్ మే 2022 నుంచి పాలసీ రేటును 2.5శాతం నుండి 6.5%కి పెంచింది. దీని కారణంగా బ్యాంకులు కూడా డిపాజిట్లపై వడ్డీ రేట్లను పెంచవలసి వచ్చింది.