IRCTC Down: ఐఆర్‌సీటీసీ వెబ్‌సైట్, యాప్ సేవల్లో అంతరాయం
ఈ వార్తాకథనం ఏంటి
రైల్వే టికెట్ల బుకింగ్‌కు సంబంధించి ఐఆర్‌సీటీసీ వెబ్‌సైట్, మొబైల్ యాప్ సేవల్లో అంతరాయం ఏర్పడింది.
మెయింటెనెన్స్ పనుల కారణంగా సర్వర్‌ డౌన్‌ అయింది, దాంతో గురువారం ఉదయం కొన్ని గంటలపాటు ఐఆర్‌సీటీసీ సేవలు పనిచేయలేదు.
ఈ సమస్య తత్కాల్‌ టికెట్ల బుకింగ్ సమయంలో ప్రారంభమైంది, ఆ కారణంగా యూజర్లు అనేక ఇబ్బందులను ఎదుర్కొన్నారు.
పలువురు యూజర్లు వెబ్‌సైట్, మొబైల్ యాప్‌లు ఓపెన్‌ అవ్వడంలేదని, తమ టికెట్లు బుక్‌ చేసుకోలేకపోతున్నట్లు సోషల్‌ మీడియా వేదికలపై పోస్టులు పెడుతున్నారు.
ఈ అంశంపై ఐఆర్‌సీటీసీ స్పందించి, మెయింటెనెన్స్ కారణంగా ఈ సమయంలో టికెట్‌ సేవలు అందుబాటులో లేవని తెలిపింది.
ఇదే విషయంపై ఒక ప్రకటనను విడుదల చేసింది. ప్రస్తుతం TATKAL, IRCTC కీవర్డ్స్‌ ట్విట్టర్‌లో ట్రెండింగ్‌ అవుతున్నాయి.
వివరాలు
ప్రయాణికులు తీవ్ర అసహనం
కాగా, ఐఆర్‌సీటీసీ సేవల్లో అంతరాయం కలగడం ఈ నెలలో ఇది రెండో సారి.
రెండు వారాల క్రితం కూడా ఇదే సమస్య తలెత్తి, ఆ సమయంలో కూడా తత్కాల్‌ బుకింగ్ సమయంలోనే ఇలాంటి అడ్డంకులు వచ్చాయి.
ఈ తరహా సమస్యలు తరచూ ఎదురవడంతో ప్రయాణికులు తీవ్ర అసహనానికి గురవుతున్నారు.