Jio Financial : జియో ఫైనాన్షియల్ సర్వీసెస్ కోర్ ఇన్వెస్ట్‌మెంట్ కంపెనీగా ఆర్బిఐ గుర్తింపు
గత ఏడాది నవంబర్‌లో, జియో ఫైనాన్షియల్ సర్వీసెస్ కంపెనీని ఎన్‌బిఎఫ్‌సి నుండి కోర్ ఇన్వెస్ట్‌మెంట్ కంపెనీగా మార్చడానికి ఆర్‌బిఐకి దరఖాస్తు చేసింది. ఇది నవంబర్ 21, 2023న ఎక్స్ఛేంజీలకు ఈ బహిర్గతం చేసింది.
100 కోట్ల కంటే ఎక్కువ ఆస్తి పరిమాణం కలిగితే ఆర్బిఐ పరిధి తప్పని సరి
కోర్ ఇన్వెస్ట్‌మెంట్ కంపెనీ(CIC)అనేది 100 కోట్ల కంటే ఎక్కువ ఆస్తి పరిమాణం కలిగిన ప్రత్యేక NBFC. డిసెంబర్ 20,2016 నాటి RBI సర్క్యులర్ ఆధారంగా,CIC ప్రధాన పని కొన్ని షరతులతో షేర్లు, సెక్యూరిటీల కొనుగోలు ఇందులో భాగంగా వుంటాయి. CIC తన నికర ఆస్తులలో 90% కంటే తక్కువ కాకుండా ఈక్విటీ షేర్లు, ప్రాధాన్యత షేర్లు, బాండ్లు, డిబెంచర్లు,రుణాలు లేదా గ్రూప్ కంపెనీలలో పెట్టుబడి రూపంలో కలిగి ఉండాలి. 100 కోట్ల కంటే ఎక్కువ ఆస్తి పరిమాణం కలిగిన అన్నిCICలు రిజర్వ్ బ్యాంక్ ఆఫ్ ఇండియా చట్టాలు నియంత్రించనున్నాయి. జియో ఫైనాన్షియల్ సర్వీసెస్ రిలయన్స్ ఇండస్ట్రీస్ నుండి ఫైనాన్షియల్ సర్వీసెస్ వ్యాపారాన్ని విడదీసింది. ఆతర్వాత RBIకి దరఖాస్తు చేసింది.ఇది కంపెనీ ఏర్పాటుకు దారితీసింది.
పెరిగిన జియో ఫైనాన్షియల్ సర్వీసెస్ షేర్లు
ఇతర వార్తలలో, జియో ఫైనాన్షియల్ సర్వీసెస్ ,మాతృ సంస్థ రిలయన్స్ ఇండస్ట్రీస్ తన జూన్ త్రైమాసిక ఫలితాలను శుక్రవారం, జూలై 19న ప్రకటించనుంది. జియో ఫైనాన్షియల్ సర్వీసెస్ షేర్లు గురువారం స్వల్ప మార్పుతో 348.2 వద్ద ముగిశాయి. 2024లో ఇప్పటివరకు స్టాక్ దాదాపు 50% పెరిగింది
