RBI Jobs : ఆర్‌బీఐలో భారీ ఉద్యోగావకాశాలు.. నెలకు రూ.1.5 లక్షల స్టైపెండ్, వెంటనే అప్లై చేయండి!

వ్రాసిన వారు Jayachandra Akuri

Jun 17, 2026

12:48 pm

ఈ వార్తాకథనం ఏంటి

భారతీయ రిజర్వ్ బ్యాంక్ (RBI)లో ఉద్యోగం చేయాలని కలలు కంటున్న యువతకు గుడ్ న్యూస్. దేశంలోని అత్యంత ప్రతిష్టాత్మక సంస్థల్లో ఒకటైన ఆర్‌బీఐ, ప్రతిభావంతులైన యువ నిపుణులను ఎంపిక చేసేందుకు 'అర్ బి ఐ యంగ్ ప్రొఫెషనల్స్ (YP) నియామకం 2026' నోటిఫికేషన్‌ను విడుదల చేసింది. ఎంపికైన అభ్యర్థులకు నెలకు రూ.1.50 లక్షల స్టైపెండ్ అందించనుండటం ఈ నోటిఫికేషన్ ప్రత్యేకతగా నిలిచింది. ఆసక్తి, అర్హత కలిగిన అభ్యర్థులు 2026 జూలై 6 వరకు దరఖాస్తు చేసుకోవచ్చు. ఆర్థిక రంగం, టెక్నాలజీ, పరిశోధన విభాగాల్లో కెరీర్‌ను నిర్మించుకోవాలనుకునే వారికి ఇది మంచి అవకాశంగా భావిస్తున్నారు.

వివరాలు

మొత్తం ఖాళీలు ఎన్ని?

ఈ నియామక ప్రక్రియ ద్వారా మొత్తం 12 యంగ్ ప్రొఫెషనల్ పోస్టులను భర్తీ చేయనున్నారు.

ఎంపికైన అభ్యర్థులు ముంబైలోని ఆర్‌బీఐ సెంట్రల్ ఆఫీస్‌లోని వివిధ విభాగాల్లో విధులు నిర్వహించాల్సి ఉంటుంది.

ఏఏ విభాగాల్లో అవకాశాలు?

ఆర్‌బీఐ ఈ నియామకాలను పలు ప్రత్యేక రంగాల్లో చేపడుతోంది.

వాటిలో:

సైబర్ సెక్యూరిటీ

ఆర్టిఫిషియల్ ఇంటెలిజెన్స్ (AI)

క్వాంటమ్ టెక్నాలజీ

డేటా అనలిటిక్స్

ఫైనాన్షియల్ మార్కెట్స్

క్లైమేట్ రిస్క్ & సస్టైనబుల్ ఫైనాన్స్

పాలసీ రీసెర్చ్

పేమెంట్ సిస్టమ్స్

వంటి విభాగాలు ఉన్నాయి.

వివరాలు

స్టైపెండ్ ఎంత?

ఎంపికైన అభ్యర్థులకు నెలకు రూ.1,50,000 ఫిక్స్‌డ్ స్టైపెండ్ చెల్లించనున్నారు. అయితే దీనిపై వర్తించే పన్ను మినహాయింపులు ఉంటాయి.

వయోపరిమితి

దరఖాస్తు చేసుకునే అభ్యర్థులు 2026 జూలై 6 నాటికి 21 నుంచి 30 సంవత్సరాల మధ్య వయస్సు కలిగి ఉండాలి.

విద్యార్హతలు

పోస్టును బట్టి అర్హతలు మారుతూ ఉంటాయి. సాధారణంగా సంబంధిత విభాగాల్లో:

పోస్ట్ గ్రాడ్యుయేషన్

మాస్టర్స్ డిగ్రీ

పీహెచ్‌డీ

సమాన అర్హతలు

కలిగిన అభ్యర్థులు దరఖాస్తు చేసుకోవచ్చు. పూర్తి అర్హతల వివరాల కోసం అధికారిక నోటిఫికేషన్‌ను పరిశీలించాలని ఆర్‌బీఐ సూచించింది.

వివరాలు

ఉద్యోగ కాలపరిమితి

ఈ నియామకం పూర్తిగా కాంట్రాక్ట్ ప్రాతిపదికన ఉంటుంది.

ప్రారంభ ఒప్పంద కాలం: 3 సంవత్సరాలు

పనితీరు ఆధారంగా గరిష్టంగా

5 సంవత్సరాల వరకు పొడిగించే అవకాశం

దరఖాస్తు విధానం

అభ్యర్థులు ఈ-మెయిల్ ద్వారా మాత్రమే దరఖాస్తు చేసుకోవాలి.

దరఖాస్తుతో పాటు సమర్పించాల్సిన పత్రాలు: పూర్తిగా నింపిన అప్లికేషన్ ఫారం

కరికులమ్ విటే (CV)

విద్యార్హతల సర్టిఫికెట్లు

స్టేట్‌మెంట్ ఆఫ్ ఇంటరెస్ట్

రిఫరెన్స్ లెటర్

ఇతర అవసరమైన పత్రాలు పూర్తి వివరాలను అధికారిక నోటిఫికేషన్‌లో పరిశీలించవచ్చు.

వివరాలు

ముఖ్యమైన తేదీలు

నోటిఫికేషన్ విడుదల: జూన్ 15, 2026

దరఖాస్తుల ప్రారంభం: జూన్ 15, 2026

దరఖాస్తుల చివరి తేదీ: జూలై 6, 2026

విధుల్లో చేరే అవకాశం: ఆగస్టు - అక్టోబర్ 2026 మధ్య

ప్రతిష్టాత్మక సంస్థలో పని చేయడంతో పాటు ఆకర్షణీయమైన స్టైపెండ్ పొందాలనుకునే యువతకు ఆర్‌బీఐ యంగ్ ప్రొఫెషనల్స్ నియామకాలు మంచి అవకాశంగా నిలుస్తున్నాయి.