Senior citizen bus discount: సీనియర్ సిటిజన్లకు గుడ్న్యూస్.. బస్సుల్లో 50శాతం రాయితీ.. ట్రైన్లలో కూడా లోయర్ బెర్త్ పొందోచ్చు.. ఎలాగంటే?
ఈ వార్తాకథనం ఏంటి
దేశంలోని వృద్ధులకు కేంద్ర,రాష్ట్ర ప్రభుత్వాలు పలు ప్రత్యేక సదుపాయాలు కల్పిస్తున్నాయి. ముఖ్యంగా బస్సులు, రైళ్లలో ప్రయాణ రాయితీలు, లోయర్ బెర్త్ కేటాయింపు వంటి ప్రయోజనాలు అందుబాటులో ఉన్నాయి. అంతేకాకుండా పెన్షన్ పథకాలు, బ్యాంకింగ్ ప్రయోజనాలు, వైద్య సేవల్లో ప్రత్యేక సౌకర్యాలు కూడా ఉన్నాయి. ఈ ప్రయోజనాలను పొందేందుకు సీనియర్ సిటిజన్ కార్డు ఉపయోగపడుతుంది. దేశంలో 60 ఏళ్లు నిండిన వారిని సాధారణంగా సీనియర్ సిటిజన్లుగా పరిగణిస్తారు. వారికి ప్రభుత్వాలు ప్రత్యేక ప్రాధాన్యం ఇస్తుంటాయి. బస్సుల్లో ప్రత్యేక సీట్లు, రైళ్లలో లోయర్ బెర్త్ల కేటాయింపు వంటి సదుపాయాలు ఉన్నాయి. అయితే ఈ ప్రయోజనాలను పొందేందుకు సీనియర్ సిటిజన్ కార్డు అవసరం. ఈ కార్డు ఉంటే ప్రభుత్వాల వద్ద అధికారికంగా సీనియర్ సిటిజన్గా గుర్తింపు పొందవచ్చు.
వివరాలు
ఈ పత్రాలు తప్పనిసరి
సీనియర్ సిటిజన్ కార్డు కోసం దరఖాస్తు చేసుకునే సమయంలో కొన్ని కీలక పత్రాలను సిద్ధంగా ఉంచుకోవాలి.
వయస్సు ధృవీకరణ కోసం ఆధార్ కార్డు, పాన్ కార్డు, పాస్పోర్ట్, ఓటర్ ఐడీ లేదా పదో తరగతి సర్టిఫికేట్లో ఏదైనా ఒకదాన్ని సమర్పించాలి.
నివాస ధృవీకరణ కోసం ఆధార్, విద్యుత్ బిల్లు, రేషన్ కార్డు, పాస్పోర్ట్ లేదా ఓటర్ ఐడీలో ఏదైనా ఒక పత్రాన్ని ఉపయోగించవచ్చు.
వీటితో పాటు పాస్పోర్ట్ సైజు ఫొటో, మొబైల్ నంబర్ కూడా అవసరం.
వివరాలు
సీనియర్ సిటిజన్ కార్డు కోసం ఎలా దరఖాస్తు చేయాలి?
సీనియర్ సిటిజన్ కార్డు కోసం ఆన్లైన్లోనే దరఖాస్తు చేసుకునే అవకాశం ఉంది.
ఇందుకోసం ముందుగా మీ రాష్ట్రానికి సంబంధించిన ఈ-డిస్ట్రిక్ట్ పోర్టల్ లేదా సాంఘిక సంక్షేమ శాఖ అధికారిక వెబ్సైట్ను సందర్శించాలి.
అక్కడ సీనియర్ సిటిజన్ లాగిన్ లేదా కొత్త యూజర్ రిజిస్ట్రేషన్ ఆప్షన్ను ఎంచుకుని అవసరమైన వివరాలను నమోదు చేయాలి.
రిజిస్ట్రేషన్ పూర్తయిన తర్వాత మీ వివరాలతో పోర్టల్లోకి లాగిన్ అవ్వాలి.
ఆ తర్వాత సీనియర్ సిటిజన్ కార్డు దరఖాస్తు ఫారాన్ని ఎంచుకోవాలి.
అందులో పేరు, తండ్రి పేరు, పుట్టిన తేదీ, లింగం, చిరునామా వంటి వివరాలను నమోదు చేయాలి.
వివరాలు
సీనియర్ సిటిజన్ కార్డు కోసం ఎలా దరఖాస్తు చేయాలి?
అనంతరం వయస్సు, నివాస ధృవీకరణ పత్రాలతో పాటు పాస్పోర్ట్ సైజు ఫొటోను అప్లోడ్ చేయాలి.
అన్ని వివరాలు నమోదు చేసిన తర్వాత ఫారాన్ని మరోసారి జాగ్రత్తగా పరిశీలించాలి.
వివరాల్లో ఎలాంటి పొరపాట్లు లేవని నిర్ధారించుకున్న అనంతరం దరఖాస్తును సబ్మిట్ చేయాలి. అనంతరం రూ.10 ఫీజు చెల్లించాలి.
దరఖాస్తు పూర్తయిన తర్వాత వచ్చే అప్లికేషన్ నంబర్ లేదా అక్నాలెడ్జ్మెంట్ నంబర్ను తప్పకుండా భద్రపరుచుకోవాలి.
దరఖాస్తు ప్రక్రియ పూర్తైన తర్వాత సాధారణంగా 15 నుంచి 30 రోజులలోపు సంబంధిత పోర్టల్లోకి లాగిన్ అయి సీనియర్ సిటిజన్ కార్డును డౌన్లోడ్ చేసుకోవచ్చు
వివరాలు
కార్డు ఉంటే ఏయే ప్రయోజనాలు?
సీనియర్ సిటిజన్ కార్డు ద్వారా ప్రయాణానికి సంబంధించిన పలు ప్రయోజనాలు పొందే అవకాశం ఉంటుంది.
బస్సుల్లో టికెట్ ధరపై 30 శాతం నుంచి 50 శాతం వరకు రాయితీ లభించవచ్చు.
రైళ్లలో లోయర్ బెర్త్ల కేటాయింపుతో పాటు ప్రత్యేక టికెట్ కౌంటర్ల సదుపాయం కూడా ఉంటుంది.
వైద్య సేవల్లోనూ సీనియర్ సిటిజన్లకు ప్రత్యేక సదుపాయాలు అందుబాటులో ఉంటాయి.
ప్రభుత్వ, ప్రైవేటు ఆసుపత్రుల్లో ప్రత్యేక ఓపీడీ టోకెన్లు, కొన్ని పరీక్షలకు సంబంధించిన సౌకర్యాలు లభించవచ్చు.
అదేవిధంగా బ్యాంకుల్లో ఫిక్స్డ్ డిపాజిట్లు, రికరింగ్ డిపాజిట్లపై సీనియర్ సిటిజన్లకు అదనపు వడ్డీ అందే అవకాశం ఉంది.
కొన్ని విమానయాన సంస్థలు కూడా సీనియర్ సిటిజన్లకు విమాన టికెట్లపై 50 శాతం వరకు రాయితీ కల్పిస్తున్నాయి.