Stock Market : సెన్సెక్స్ 200 పాయింట్లు డౌన్‌ .. నష్టాల్లో ట్రేడవుతున్న స్టాక్ మార్కెట్లు..
ఈ వార్తాకథనం ఏంటి
దేశీయ స్టాక్ మార్కెట్లు నేడు స్థిర స్థాయిలో ట్రేడింగ్‌ను ప్రారంభించాయి. గ్లోబల్ మార్కెట్ల నుంచి స్పష్టమైన సూచనలు లేకపోవడంతో పెట్టుబడిదారులు జాగ్రత్తగా వ్యవహరిస్తున్నారు. ఈ నేపథ్యంలో, ప్రారంభంలో తక్కువ లాభాల్లో కదలిన సూచీలు త్వరగానే నష్టాల బాటపట్టాయి. ముఖ్యంగా ఇన్ఫోసిస్, హెచ్‌డీఎఫ్‌సీ బ్యాంక్, ఐసీఐసీఐ బ్యాంక్ షేర్లలో అమ్మకాల ఒత్తిడి సూచీలను కిందికి లాగింది. ఉదయం 9:25 గంటల సమయానికి సెన్సెక్స్ 195 పాయింట్లు తగ్గి 81,134 వద్ద కొనసాగగా, నిఫ్టీ 45 పాయింట్లు కోల్పోయి 24,611 వద్ద ట్రేడవుతోంది.
వివరాలు
సెన్సెక్స్ 30
సెన్సెక్స్‌లో భాగమైన ఇండస్‌ఇండ్ బ్యాంక్, పవర్‌గ్రిడ్ కార్పొరేషన్‌, మహీంద్రా అండ్ మహీంద్రా (ఎంఅండ్‌ఎం), ఎటర్నల్‌, మారుతీ సుజుకీ, ఇన్ఫోసిస్, సన్ ఫార్మా, బజాజ్ ఫిన్‌సర్వ్‌, టీసీఎస్‌, యాక్సిస్ బ్యాంక్, కోటక్ మహీంద్రా బ్యాంక్, ఐటీసీ షేర్లు నష్టాల్లో ఉన్నాయి. లాభాల్లో కొనసాగుతున్న షేర్లు: విపరీతంగా టాటా మోటార్స్‌, టెక్ మహీంద్రా, అదానీ పోర్ట్స్‌, భారతీ ఎయిర్‌టెల్‌, హెచ్‌సీఎల్ టెక్నాలజీస్‌, ఎస్‌బీఐ, బజాజ్ ఫైనాన్స్‌ షేర్లు లాభాల్లో ట్రేడవుతున్నాయి.
వివరాలు
వినిమయ రేటు,అంతర్జాతీయ మార్కెట్లు:
రూపాయి - డాలర్ మారకం విలువ 85.55 వద్ద ప్రారంభమైంది. అంతర్జాతీయంగా, బ్రెంట్ క్రూడ్ ఆయిల్ బ్యారెల్ ధర 64.55 డాలర్ల వద్ద కొనసాగుతోంది. బంగారం ఔన్సు ధర 3,153 డాలర్ల వద్ద ట్రేడవుతోంది. అమెరికా మార్కెట్ల పరిస్థితి: నిన్నటి ట్రేడింగ్‌లో అమెరికా ప్రధాన సూచీలలో నాస్‌డాక్ మరియు ఎస్‌అండ్‌పీ 500 లాభాలతో ముగిశాయి. అయితే, డోజోన్స్ సూచీ మాత్రం పెద్దగా మారలేదు (ఫ్లాట్‌గా ముగిసింది). ఆసియా-పసిఫిక్ మార్కెట్ల పరిస్థితి: ఆసియా మార్కెట్లు మిశ్రమంగా కదలాడుతున్నాయి.ఆస్ట్రేలియాలోని ASX సూచీ 0.14శాతంతో స్థిరంగా ట్రేడవుతున్నా,జపాన్‌ నిక్కీ 1.11 శాతం, చైనా షాంఘై సూచీ 0.48 శాతం లాభాల్లో ఉన్నాయి. అయితే, హాంకాంగ్‌ హాంగ్‌సెంగ్ సూచీ మాత్రం 0.34 శాతం నష్టాల్లో కదలాడుతోంది.
వివరాలు
ఎఫ్ఐఐలు - డీఐఐల కొనుగోళ్లు:
బుధవారం రోజున విదేశీ సంస్థాగత మదుపుదారులు (ఎఫ్ఐఐలు) కొనుగోళ్ల వైపు మొగ్గుచూపారు. నికరంగా రూ.932 కోట్ల విలువైన షేర్లను వారు కొనుగోలు చేశారు. అదే సమయంలో దేశీయ సంస్థాగత మదుపుదారులు (డీఐఐలు) కూడా రూ.316 కోట్ల విలువైన షేర్లను కొనుగోలు చేసినట్లు సమాచారం.