ఇన్ఫోసిస్ షేర్లు 12శాతం ఎందుకు పడిపోయినట్లు?
ఈ వార్తాకథనం ఏంటి
దేశంలోని రెండో అతిపెద్ద ఐటీ సేవల సంస్థ ఇన్ఫోసిస్ షేర్లు సోమవారం ప్రారంభ ట్రేడింగ్‌లో దాదాపు 12 శాతం పడిపోయాయి. దీంతో ఇన్ఫోసిస్ షేర్లు రెండేళ్ల కనిష్ట స్థాయిని తాకాయి. ఉదయం 10 గంటలకు స్టాక్ మార్కెట్‌లో ఈ కంపెనీ షేర్లు 11.60 శాతం తగ్గి 1,228.10 వద్ద ట్రైడయ్యింది. మార్చి 2023తో ముగిసిన త్రైమాసికంలో ఇన్ఫోసిస్ ఊహించిన దానికంటే తక్కువ ఫలితాలను నివేదించిన తర్వాత షేర్ల విలువ పతనమైంది.
స్టాక్ మార్కెట్
అంచనాల కంటే తక్కువ లాభాల నమోదు
ఇన్ఫోసిస్ గురువారం క్యూ4 ఫలితాలను నివేదించింది. దాని నికర లాభం దాదాపు 8 శాతం పెరిగి రూ. 6,128 కోట్లకు చేరుకుంది. దీంతో ఈ కాలానికి ఏకీకృత ఆదాయం ఏడాది ప్రాతిపదికన 16 శాతం పెరిగి రూ. 37,441 కోట్లకు చేరుకుంది. అయితే బాటమ్‌లైన్ గణాంకాలు రెండూ విశ్లేషకుల అంచనాల కంటే తక్కువగా ఉండటం గమనార్హం. ఈ ఆర్థిక సంవత్సరంలో బలహీనమైన ఆర్థిక వృద్ధి 4-7 శాతంగా ఉంటుందని కంపెనీ అంచనా వేసింది. ఆరేళ్ల ఇదే తక్కువని కంపెనీ చెబుతోంది. ఇన్ఫోసిస్ Q4 ఫలితాలను పోస్ట్ చేసిన ఒక రోజు తర్వాత, పలు బ్రోకరేజీ సంస్థలు అప్రమత్తమయ్యాయి. ఈ క్రమంలో పెట్టుబడును ఉపసంహరించుకోవడంతో ఆ ఎఫెక్ట్ షేర్ల పతనానికి దారి తీసింది.