2022: ఓటీటీలో విడుదల అవుతున్న చివరి సినిమాలు
2022 సంవత్సరానికి ముగింపు పలికి 2023కి స్వాగతం పలకడానికి అందరూ రెడీ ఐపోతున్నారు. అందరూ ఇయర్ ఎండ్ మూడ్ లోకి వచ్చేసారు. ఆ మూడ్ తోనే సంవత్సరం ఓటీటీలో రిలీజ్ అవుతున్న సినిమాలు, సిరీస్ ల గురించి తెలుసుకోండి. ఓటీటీ వినోదాన్ని ఎంజాయ్ చేస్తూ కొత్త సంవత్సరంలోకి అడుగు పెట్టండి. ఈ సంవత్సరంలో చివరగా విడుదల అవుతున్న కొత్త వినోదాలేంటో చూద్దాం. ముందుగా అన్ స్టాపబుల్ లో ప్రభాస్ ఎపిసోడ్ గురించి మాట్లాడాలి. డిసెంబర్ 29వ తేదీన రాత్రి 9గంటలకు ఈ ఎపిసోడ్ లోని మొదటి భాగం విడుదల అవుతుంది. ప్రోమోలతో ఎప్పుడెప్పుడా అని ఆశలు రేపిన ఆహా, చివరకు అభిమానుల కోరిక మేరకు ఒకరోజు ముందుగానే ప్రభాస్ ఎపిసోడ్ ని తీసుకొచ్చింది.
ఓటీటీలో రిలీజ్ అయ్యే సినిమాలు
బటర్ ఫ్లై: అనుపమ పరమేశ్వరన్ ప్రధాన పాత్రలో నటించిన ఈ చిత్రం, ఈరోజు నుండి డిస్నీ ప్లస్ హాట్ స్టార్ లో తెలుగులో స్ట్రీమింగ్ అవుతుంది. ఇద్దరు పిల్లల కిడ్నాప్ విషయంలో జరిగే థ్రిల్లర్ మూవీ ఇది. భూమికా చావ్లా, రావు రమేష్, రచ్చరవి, ప్రవీణ్ ప్రధాన పాత్రదారులుగా కనిపిస్తున్న ఈ సినిమాకు ఘంటా సతీష్ బాబు దర్శకత్వం వహించారు. గోల్డ్: డిసెంబర్ 1వ తేదీన థియేటర్లలో రిలీజైన ఈ మళయాల సినిమా, ప్రస్తుతం అమెజామ్ ప్రైమ్ వీడియోలో అందుబాటులో ఉంది. పృథ్వీరాజ్, నయన తార పాత్రల్లో కనిపించారు. మట్టికుస్తీ: విష్ణు విశాల్ నటించిన ఈ సినిమా తెలుగు వెర్షన్ నెట్ ఫ్లిక్స్ లో డిసెంబర్ 30వ తేదీ నుండి అందుబాటులో ఉండనుంది.
