ప్రభాస్ అభిమానులకు క్రేజీ అప్డేట్: ఆదిపురుష్ ట్రైలర్ రిలీజ్ డేట్ ఫిక్స్?
ఈ వార్తాకథనం ఏంటి
ప్రభాస్ హీరోగా నటిస్తున్న ఆదిపురుష్ చిత్రం రిలీజ్ కు దగ్గర పడుతోంది. ఈ నేపథ్యంలో ప్రచార కార్యక్రమాలను మొదలు పెట్టేందుకు చిత్రబృందం రెడీ అవుతోంది.
ఇప్పటివరకు టీజర్, పోస్టర్లు, ఒక పాట రిలీజ్ అయ్యాయి. తాజాగా ట్రైలర్ రిలీజ్ పై అప్డేట్ వచ్చేసింది. ఆదిపురుష్ ట్రైలర్ ని మే 9వ తేదీన రిలీజ్ చేసేందుకు ప్లాన్ జరుగుతోందని సమాచారం.
ఈ మేరకు సోషల్ మీడియాలో ప్రచారం జోరుగా సాగుతోంది. అంతేకాదు, ఆదిపురుష్ ప్రీ రిలీజ్ ఈవెంట్ పై ఒక క్లారిటీ వచ్చేసింది.
ఆంధ్రప్రదేశ్ లోని తిరుపతిలో ఆదిపురుష్ ప్రీ రిలీజ్ ఈవెంట్ జరగనుందని అంటున్నారు. జూన్ 3వ తేదీన పెద్ద ఎత్తున ప్రీ రిలీజ్ ఈవెంట్ జరగబోతుందని చెబుతున్నారు.
Details
ఆదిపురుష్ రిపేర్లకు వందకోట్లు
ఆదిపురుష్ ట్రైలర్ రిలీజ్ పై అధికారిక సమాచారం మరికొద్ది రోజుల్లో రాబోతుందని, మే 9వ తేదీన ట్రైలర్ రిలీజ్ ఉంటుందని అంచనా వేస్తున్నారు. ఆదిపురుష్ టీజర్ కు ప్రేక్షకుల నుండి నెగెటివ్ రెస్పాన్స్ వచ్చింది.
టీజర్ లో కనిపించిన గ్రాఫిక్స్ బాలేవంటూ ప్రేక్షకులు పెదవి విరిచారు. వీటిని పరిగణలోకి తీసుకున్న ఆదిపురుష్ బృందం, ఆదిపురుష్ చిత్రానికి రిపేర్లు చేపట్టారు.
ఈ రిపేర్లకే వందకోట్లకు పైగా ఖర్చు అయ్యిందని సమాచారం. ఈ రిపేర్లు లేకపోతే ఈ సంవత్సరం జనవరిలోనే సినిమా రిలీజ్ అయ్యేది.
టీ సిరీస్ బ్యానర్లో రూపొందిన ఆదిపురుష్ చిత్రానికి ఓం రౌత్ దర్శకత్వం వహించారు. జూన్ 16వ తేదీన ప్రపంచ వ్యాప్తంగా విడుదల అవుతోంది ఈ చిత్రం.