ఏజెంట్ సినిమాకు పాజిటివ్ గా పరిస్థితులు: అత్యధిక ధరకు అమ్ముడైన థియేట్రికల్ రైట్స్
అక్కినేని అఖిల్ హీరోగా రూపొందిన ఏజెంట్ మూవీ, విడుదలకు సిద్ధం అవుతోంది. ఎన్నోరోజులుగా చిత్రీకరణ జరుపుకుంటున్న ఈ చిత్రం, పాన్ ఇండియా లెవెల్లో దేశవ్యాప్తంగా రిలీజ్ కావడానికి ప్రయత్నాలు చేస్తోంది. ఆ ప్రయత్నంలో భాగంగానే ఒక పాటను రిలీజ్ చేసారు. మరికొద్ది రోజుల్లో మరింత కంటెంట్, సినిమా ప్రమోషన్ కోసం రిలీజ్ చేయనున్నారు. అఖిల్ కెరీర్లోనే అత్యధిక బడ్జెట్ తో రూపొందిన ఈ మూవీపై అందరికీ ఆసక్తి ఉంది. అఖిల్ మార్కెట్ కంటే ఎక్కువ బడ్జెట్ తో రూపొందిన ఈ మూవీ, ఆ పూర్తి వసూళ్ళను సాధిస్తుందా అన్న అనుమాలను కలిగించింది. ప్రస్తుతం ఆ అనుమానం అక్కర్లేనట్టుగా చేసే ఉదాహరణ బయటకొచ్చింది. ఏజెంట్ మూవీ థియేట్రికర్ రైట్స్, ఎక్కువ ధరకు అమ్ముడయ్యాయని సమాచారం.
35కోట్లకు అమ్ముడైనట్లుగా వార్తలు
తెలుగు రాష్ట్రాల్లో ఏజెంట్ మూవీ, థియేట్రికల్ రైట్స్ 35కోట్లకు అమ్ముడయ్యాయని వార్తలు వస్తున్నాయి. వైజాగ్ డిస్ట్రిబ్యూటర్, గాయత్రి దేవి ఫిలిమ్స్ అధినేత సతీష్, ఏజెంట్ మూవీ థియేట్రికల్ రైట్స్ కొనుక్కున్నారని అంటున్నారు. ఈ దెబ్బతో అఖిల్ కూడా స్టార్ హీరోల స్థాయికి చేరుకున్నాడని చెప్పవచ్చు. స్పై థ్రిల్లర్ గా రూపొందుతున్న ఏజెంట్ మూవీలో సాక్షి వైద్య హీరోయిన్ గా కనిపిస్తుంది. మమ్ముట్టి ప్రధాన పాత్రలో నటిస్తున్న ఈ చిత్రాన్ని అనిల్ సుంకర్, సురేందర్ రెడ్డి సంయుక్తంగా నిర్మిస్తున్నారు. మళయాలం మ్యూజిక్ డైరెక్టర్ హిప్ హాప్ థమిజ్, స్వరాలు సమకూరుస్తున్నారు. మరి ఎక్కువ రేటుకు అమ్ముడైన ఏజెంట్ మూవీ, అదే స్థాయిలో కలెక్షన్లు తీసుకొస్తుందేమో చూడాలి. మే నెలలో రిలీజ్ చేయాలని ప్లాన్ చేస్తున్నారు.
